Шинэ онд биднийг юу хүлээж байгааг хэн ч тааварлах аргагүй ч дэлхий ертөнцөд их бага гэлтгүй олон өөрчлөлт гарах нь зүйн хэрэг. Нэн ялангуяа бидний ирээдүйг тодорхойлох технологи, шинжлэх ухаан, эрүүл мэнд, улс төр, бизнес, эдийн засгийн салбарт ямар өөрчлөлт гарах бол гэдэг хүлээлт үүсээд буй. Quantumrun Foresight зөвлөх фирм ирэх жилийн шинжлэх ухаан, технологийн салбарын трэндийг ийн тодорхойлжээ. Тус фирмийн гаргасан таамаглалуудаас нэн таатай нь ковид19 цар тахал дуусгавар болно гэжээ.
Дэлхийн томоохон компаниуд олон улсын хамтарсан томоохон гэрээ хэлэлцээрт гарын үсэг зурна. Технологийн компаниуд үндэстэн дамнан байгуулагдах гэрээ хэлэлцээрүүдэд жин дарах бөгөөд илүү их татвар төлөх хандлагатай аж.
Оросын хийн экспорт буурсан тул дэлхийн хийн зах зээл хумигдсан хэвээр 2023 оныг өнгөрүүлнэ. Ингэснээр эрчим хүчний үнэ буурахгүй бөгөөд Европ эрчим хүч хэмнэх арга хэмжээний хүрээнд хийн хэрэглээг бууруулах арга хэмжээ авах төлөвтэй байна.
Дэлхийн хүн амын 65 хувь нь хувийн мэдээллээ зохих журмын дагуу хамгаалдаг болно.
НҮБ-ын гишүүн орнууд дулаан ялгаруулалтыг тэглэх өрсөлдөөнд ханцуй шамлан орж, чулуужсан нүүрсээр галладаг үйлдвэрүүд болон энэ салбарын санхүүжилт, хөгжилд хязгаарлалт тавихыг шаардаж эхэлнэ. Түүнчлэн нүүрсний шинэ төслүүдийг хориглоно гэжээ.
Олон улсын томоохон байгууллагуудын нэг Европын Холбоо Европын тогтвортой мэдээллийн стандартыг хэрэгжүүлнэ.
2016 онд хөөрсөн OSIRIS-Rex сансрын хөлөг Bennu одноос 2,1 унц хад чулууны дээж авч, эх дэлхийдээ 2023 онд эргэн ирнэ.
Суурин компьютер, таблетуудын зах зээл 2024 онд өсөх төлөвтэй ч үүний өмнө 2023 онд зах зээл нь 2,6 хувиар хумигдана.
Японы Сансар судлалын агентлаг ирэх жил дэлхийн анхны модон хиймэл дагуулыг сансарт хөөргөнө
Дэлхийн хүн амын 80 гаруй хувь нь дижитал технологи, сошиал платформын хэрэглэгч болно.
Мөн дэлхийн хүн амын 90 хувь нь халаасандаа супер компьютертой болно.
Хүн ам төвлөрсөн хотуудыг газар хөдлөлтөөс хамгаалах дуу авианы хамгаалалтын бүрхүүлийг хөгжүүлж хэрэглэж эхэлнэ гэж эрдэмтэд тооцоолж байна.
Нарны эрчим хүч ялгаруулагч хавтангуудын ватт бүрийн үнэ нэг ам.долларт хүрнэ.
Дэлхий дээр 8,546,667 ширхэг цахилгаан автомашин борлогдоно.
Дэлхийн интернэтийн сүлжээ 302 эксабайт болж нэмэгдэнэ.
Сэтгэгдэл бичих