“МАНАН дэглэмийн эсрэг монгол түмний нэгдэл” жагсаал хоёр дахь өдрөө үргэлжилж байна. УИХ-ын дарга М.Энхболдыг огцруулахыг шаардсан иргэд тэмцлийн дараагийн хэлбэртээ шилжиж, өчигдрөөс Сүхбаатарын талбайд суулт зарласан.
Тэдний хэлж буйгаар, хэрэв УИХ-ын дарга М.Энхболд огцрохгүй бол төв талбай дээр 200 цагаан гэр барьж, улс төрийн суулт цаашлаад өлсгөлөнгөөр тэмцлээ үргэлжлүүлнэ” гэсэн юм.
Тэгвэл өнгөрсөн шөнө Сүхбаатарын талбай дээр 35 гэр барьжээ. Эдгээр гэрийг ард түмний хандиваар босгосон бөгөөд одоогийн байдлаар гэрт ямар ч хүн алга. Харин гэрийн гадна гэрүүдийг ямар хүмүүст хариуцуулах талаар хуваарилалт хийж байна гэж албан бус эх сурвалж мэдээлж байна. Тэмцлийн энэхүү хурц хэлбэрт шилжих хүсэлтээ илэрхийлээд байгаа 200 гаруй сайн дурын хүн байгаа аж. Дээр нь УИХ-ын гишүүд ч өлсгөлөн зарлахад бэлэн байгаа гэдгээ мэдэгдсэн.
Ямартай ч тэд хотын захиргаанаас гэр барих зөвшөөрөл авчээ.
Сэтгэгдэл бичих