“МАНАН дэглэм”-ийн эсрэг хоёр дахь жагсаалын зохион байгуулагчид болох УИХ-ын нэр бүхий гишүүд өнөөдөр УИХ-ын дарга М.Энхболдтой уулзаж ойлголцолд хүрч чадаагүй учир Үндэсний аюулгүй байдлын зөвлөлийн бусад гишүүн болох Ерөнхийлөгч, Ерөнхий сайдтай уулзах санал гаргасан.
Үүний дагуу УИХ-ын гишүүн Х.Нямбаатар Ерөнхийлөгч Х.Баттулга 16:30 цагаас ҮАБЗ-ийг хуралдуулахаар болсон тухай мэдэгдсэн.
Харин ҮАБЗ хуралдаж УИХ-ын дарга М.Энхболдыг нэн яаралтай горимоор огцруулах асуудлыг УИХ-аар хэлэлцэх нь зүйтэй гэсэн зөвлөмжийг гаргажээ.
Энэ тухай УИХ-ын гишүүн Т.Аюурсайхан “Үндэсний аюулгүй байдлын зөвлөл 16.30 цагт яаралтай хуралдаж, зөвлөмж гаргалаа. Өнөөдөртөө багтаж УИХ-ын даргыг огцруулж болдог хуулийн төслийн бүх хэлэлцүүлгийг хийж дуусч, батлах чиглэл гарлаа” гэж мэдэгдсэн байна.
Т.Аюурсайхан✔@ayursaikhan
Үндэсний аюулгүй байдлын зөвлөл 16.30 цагт яаралтай хуралдаж, зөвлөмж гаргалаа. Өнөөдөртөө багтаж УИХ-ын даргыг огцруулж болдог хуулийн төслийн бүх хэлэлцүүлгийг хийж дуусч, батлах чиглэл гарлаа.
Зөвлөмж бүрэн эхээрээ:
Мөн энэ талаар УИХ-ын гишүүн Л.Болд тэргүүтэй гишүүд мэдээлэл төрийн ордонд хийв. Тэд ҮАБЗ-өөс ийм зөвлөмж гарсан ч УИХ-ын гишүүд хуралдаа ирэхгүй байгаагаас асуудлыг хэлэлцэх боломжгүй болоод байна гэсэн мэдээлэл өглөө.
Л.Болд гишүүний жиргээ:
Luvsanvandan BOLD✔@boldlu
Харамсалтай нь Их хурлын даргын талынхан одоо чуулган, байнгын хороог бойкотолж бн. Хэлээгүй юу энэ худлаа гэж.
Luvsanvandan BOLD✔@boldlu
Хууль зүйн байнгын хорооны ирц 44.4%. 2 цаг гаруй хүлээж бн. pic.twitter.com/hT7XueXFqS
Сэтгэгдэл бичих