Өнгөрөгч 10 дугаар сарын 21-ний шөнө Баянзүрх дүүргийн нутаг дэвсгэрт хятад иргэд бүлэглэн танхайрч Монгол Улсын иргэн Б-г зодож, тээврийн хэрэгслийг нь санаатайгаар дайрч, улмаар цааш явахдаа замын хажуугаар алхаж байсан явган зорчигчийг дайраад зугатаасан хэрэг гарчээ.
Хэргийг тодруулбал Жи Лү тэргүүтэй Хятад улсын таван иргэн сэтгэцэд нөлөөлөх эм бэлдмэл, согтууруулах ундааны зүйл хэрэглэсэн байж болзошгүй үедээ 3333*** , 4444*** улсын дугаартай Жи класс маркын авто машинтай Баянзүрх дүүргийн нутаг дэвсгэрт байрлах караокены гадаа зодоон үүсгэж, уг асуудлыг зогсоохоор очсон Монгол Улсын иргэний бүлэглэн зодож танхайрсан байна. Зодоод зогсохгүй ална хэмээн заналхийлсэн тул цагдаа дуудсан бөгөөд үүнийг сонсонгуутаа бөөндөө явж, зам дагуу алхаж байсан явган зорчигдыг дайраад зугатаажээ.
Хохирогчийн хэлж буйгаар дээрх мансуурсан хятад иргэдийг Хятадын төрийн өмчийн “Ти Ти Си энд Ти” компанийн төлөөлөгч, Удирдах зөвлөлийн гишүүн гэх Хятад иргэн Жи Лү гэгч толгойлж, удирдан зохион байгуулсан гэх мэдээлэл байна.
Хэрэв энэ хятад өөрийн улсдаа байсан бол зөвхөн энэ үйлдлийнхээ төлөө төмөр торны цаана хоригдож, цаазаар авахуулах ч энүүхэнд байх нь мэдээж юм. Харин Монгол Улсад монгол хүний эрх чөлөөнд халдаж, мансуурч, согтсон үедээ тээврийн хэрэгсэл жолоодоод дур зоргоороо авирлаж болдог нь үнэхээр гайхмаар хэрэг юм.
Тус хэргийг Баянзүрх дүүргийн цагдаагийн хэлтэст шалгаж байна.
Сэтгэгдэл бичих