Энэ сарын 27-29-нд дэлхийг хүчтэй соронзон шуурга дайран өнгөрөх тухай Ломоносовын Их сургуулийн О.Ю. Шмидтын нэрэмжит Дэлхийн физикийн хүрээлэнгийн Александр Жигалин сануулав. Өөрөөр хэлбэл тавдугаар сарын 21, 22 ба 25-нд наран дээр хүчтэй дэлбэрэлт ажиглагджээ. Дээрх гурван удаагийн үзэгдэл хоёр дахь түвшнийх байсан ба одоо соронзон сфера хэвийн байдалтай байна. Гэхдээ 22-ноос эхлэн 5-7 хоногийг нэмэх ёстой. Нэг үгээр тавдугаар сарын 27–29-ний хооронд соронзон шуурга илэрч магадгүй гэж Жигалин ярьжээ.
Цахилгаан соронзон туяа хоёр янз байдагийг тэр тайлбарлажээ. Эхнийх нь наран дээр дэлбэрэлт гарснаас найман минутын дараа дэлхийд хүрч ирнэ. Хоёр дахь тохиолдолд туяанд хүнд бичил хэсгүүд нэгдээд тэр нь 5-7 хоногийн дараа дэлхийд хүрч ирнэ. Эдгээр соронзон шуурганууд эрсдэлт бүлгийн хүмүүст нөлөөлж болно. Хүмүүсийн энэ үзэгдэлд мэдрэмтгий болон нөлөө үзүүлдэггүй гэж хоёр ангилдаг. Үүнийг мэдэрдэггүй хэсэгт 25- 60 хүртэлх насныхан, эмзэг хэсэгт нь хүүхэд 25 хүртлэх насны залуус, 60-аас дээш насныхан багтдаг байна. Эрсдлийн хэсэгт анхаарал хэрэгтэй, соронзон шуурга ирж явна гээд тусгайлан бэлтгэх хэрэггүй харин эрүүл мэндээ чагнах ёстой гэнэ.
Сэтгэгдэл бичих