Засгийн газраас дөрөвдүгээр сарын 8-наас иргэн бүрд 300 мянган төгрөг олгох шийдвэр гаргасан билээ. Өнөөдрийн байдлаар Монгол Улсын нийт хүн амын 95.4 хувь буюу 3,218,221 иргэнд 300 мянган төгрөгийг олгожээ.
Харин 2021 оны дөрөвдүгээр сарын 8-наас өмнө төрсөн хүүхдийн мөнгийг ээжийнх нь бүртгэлтэй данс руу шилжүүлэх тохиргоог Ибаримт аппликэйшнд шинээр нэвтрүүлж асран хамгаалагчийн зөвшөөрлөөр олгож эхэлсэн байна. Өнөөдрийн байдлаар 2704 хүүхдийн мөнгийг шилжүүлэхэд бэлэн болжээ.
Иргэдийн дансны болон хувийн мэдээлэл зөрж байгаагаас шалтгаалан гүйлгээ цуцлагдаж байгаа. Тиймээс ebarimt.mn болон аппликэйшнээр орж бүртгүүлсэн мэдээлэлээ нягтлахыг зөвлөлөө. 300 мянган төгрөгөө өнөөдрийг хүртэл аваагүй байгаа иргэдийн хувьд ebarimt.mn/300 холбоосоор орж, регистрийн дугаар, зурган кодыг бичиж төлөв байдлыг шалгах юм байна.
Сэтгэгдэл бичих