СХД-ийнхээ хүүхэд залуучууд иргэдийн ном унших, цахим ном сонсох хандлагыг нэмэгдүүлэх зорилгоор зарласан “Сонгины оюу” аяныг өрнүүлж байна

СОНГИНЫ ОЮУ АЯНЫ “ХОЁРДУГААР УРАЛДААН”-Ы ЗОХИОН БАЙГУУЛАЛТЫН ТАЛААРХ МЭДЭЭЛЛИЙГ ХҮРГЭЖ БАЙНА

Сонгинохайрхан дүүргийнхээ хүүхэд, залуучууд, иргэдийн ном унших, цахим ном сонсох хандлагыг нэмэгдүүлэх зорилгоор зарласан “Сонгины оюу” аяны Хоёрдугаар уралдаан нь 2021 оны 04 дүгээр сарын 05-ны өдрөөс эхлэн 05 дугаар сарын 10-ны хооронд зохион байгуулагдана.

“Сонгины оюу” аяны хүрээнд зохион байгуулагдах Хоёрдугаар уралдаанд хүүхэд залуучууд, иргэд номын тэмдэглэл хөтлөх уралдаанд 6-10, 11-14, 15-18, 19-34 насны ангилалаар харин Үлгэрч гэр бүл, Тик ток мэндчилгээний уралдаанд насны ангилал хамаарахгүйгээр оролцох боломжтой.

Коронавирусийн халдвараас урьдчилан сэргийлэх зорилгоор уралдааны бүртгэл, шалгаруулалтыг дараах байдлаар зохион байгуулна. Үүнд:

Бүртгэлийн 1-р үе: Сонгинохайрхан дүүрэгт харъяалалтай оршин суугч хүүхэд багачууд, сурагчид, тэдгээрийн эцэг эхчүүд, оюутан залуучууд дараах хуваариар анхан шатны бүртгэлд хамрагдана. СХД-ийн Ерөнхий боловсролын сургуулийн сурагчид уншсан номын тэмдэглэл, ээж аав, эмээ өвөөтэйгээ хамтран бэлтгэсэн “Үлгэрч гэр бүл”-ийн төрөлд оролцох видео бичлэг, мөн Тик ток мэндчилгээгээ өөрийн сургууль дээрээ 2021.04.29-өөс 04.30-ны хооронд бүртгүүлнэ.

Цэцэрлэгт суралцагч хүүхэд багачууд маань ээж аав, эмээ өвөөтэйгээ хамт бэлтгэсэн “Үлгэрч гэр бүл”-ийн төрөлд оролцох видео бичлэг, мөн Тик ток мэндчилгээгээ 2021.04.29-нөөс өмнө цэцэрлэгтээ бүртгүүлээрэй.

Харин 19-34 насны залуус уншсан номын тэмдэглэлээ дүүргийн ЗДТГ-аас томилогдсон номын санчид 2021.04.29-өөс 04.30-ны өдөр бүртгүүлэх юм.

Бүртгэлийн 2-р үе: Сонгинохайрхан дүүргийн Ерөнхий боловсролын сургууль, цэцэрлэгүүд нь төрөл тус бүрээс шалгарсан нэг, нэг материал бүтээлүүдээ дүүргийн ЗДТГ-ын Нийгмийн хөгжлийн хэлтэст хуваарийн дагуу 2021.05.01-ны өдрийн 10:00-15:00 цагийн хооронд хүлээлгэн өгч бүртгүүлнэ.

Шалгаруулалтын 1-р үе: Сонгинохайрхан дүүргийн ЗДТГ-ын Нийгмийн хөгжлийн хэлтэс нь сургууль, цэцэрлэгүүдээс хүлээн авсан материалыг “Сонгины оюу аян”-ыг зохион байгуулах Ажлын хэсгийн бүрэлдэхүүнд хуваарийн дагуу танилцуулж, Ажлын хэсэг нь “Хоёрдугаар уралдаан”-ы шилдгүүдийг 2021.05.03-аас 2021.05.07-ны өдрүүдэд шалгаруулна.
Шагнал гардуулах үйл ажиллагаа: “Хоёрдугаар уралдаан”-ы шилдгүүдэд шагнал гардуулах үйл ажиллагааг 2021 оны 05 дугаар сарын 07-10-ны хооронд зохион байгуулна.

“СОНГИНЫ ОЮУ АЯН”-ЫГ ЗОХИОН БАЙГУУЛАХ АЖЛЫН ХЭСЭГ