Өчигдөр орой Улаанбаатарын цагаар 22:45 цаг орчим газар хөдлөлтийн хүчтэй чичирхийлэлт Говьсүмбэр, Төв, Дундговь аймгуудын зааг бүс нутгуудаар мэдрэгдэв. 5.5 магнитут гэдэг тийм ч бага чичирхийлэл биш гэдгийг учир мэдэх хүмүүс, эрдэмтэн судлаачид хэлж байна. Гэтэл Манай УОК-с Гамшигийн түвшинд хүртэл хүчтэй газар хөдлөөгүй учир дуут дохио өгөөгүй ер нь бол мэдэж байсан гэх анзааны юм яриад сууж байх юм.
Тэгхээр заавал гамшиг сүйрэл болох хэмжээнд очиж байж таминээ байшин савнаасаа гараарай гэж дуут дохио өгөх хэрэг үү? Үнэнийг хэлхэд Улаанбаатарт газар хөдлөлтийн дуут дохио өгж байгаа эсэхийг мэдэх хүн байдаг юмуу? Юу дуугараад байна, галын машин уу? Түргэний тэрэг үү гээд дээшээ хараад хэвтэж байж мэдэх хүмүүс л дээ.
Учир нь Улаанбаатар хот гэнтийн гамшиг, эрсдэлд ямарч бэлтгэл байхгүй.
Жишээ дурьдахад саяхан говийн аймгуудад болсон хүчтэй шуурганаар малчид иргэд 100, 100-раа сураггүй алга болж олон хүн амь эрсдэв. Ер нь Улаанбаатарт зун жаахан ширүүн бороо орход л далан шуудуу дүүрч үерт автаад, зам талбай хууларч машин тэрэг олноороо живж олон хүний амь эрсдэж байсан жишээ тэртээ 2002 онд ч гарч байсан юм.
Харин өндөр хөгжилтэй Япон зэрэг улсуудад байгалийн гамшигт эрсдэлийг технологийн дэвшил ашиглан эртнээс мэдээд ард иргэддээ телевиз радио, гар утасаар нь хүртэл мессеж дохио өгдөг байна. Учир нь газар хөдлөлтийн идэвхтэй бүсэд байдаг болоод ч тэрүү хаширсан, зовж үзсэн, бэлтгэгдсэн ард түмэн юм билээ.
Гэтэл манайд ганц тарвага тэжээе байз газар хөдлөлтөөс айлтгүй юм байна гэж бичиж маазарч байх жишээтэй. Хавар ичээнээс гарсан тарвага суурин газар бараадаж яваа бичлэгийг сошиал орчинд сэвж ам уралдан цэцэрхцгээв. Байгалийн хуулиараа тарвага гэдэг амьтан газрийн хэвлээр үүрэлж амьдардаг мэрэгч амьтан болхоор газар хөдлөлтийг урьдчилан мэдэрдэг гэж хуучний хүмүүс ярьдаг л даа.
Бид технологийн эрин зуунд хөл нийлүүлэн алхаж байна гэж сайрхан ярьдаг шигээ л баймаар байгаа юм. Урьдчилан тооцоолж болхуйц байгалийн гамшигийг технологи хөгжсөн өнөө үед яагаад мэдэж, мэдэгдэж чадахгүй байна вэ?
Эсвэл байгал эхийн хүйн холбоо яриад газар дэлхий, лус савдагаа шүтээд тэнгэртээ залбираад сууж байх уу? Одоо хэддүгээр зуун юм.
Сэтгэгдэл бичих