ХӨСҮТ-ийн тандалт судалгааны албаны дарга Ж.БАЙГАЛМАА:
-Өчигдөр нийт 19341 хүнд шинжилгээ хийхэд нийслэлд 103 хүнээс халдвар илэрлээ. Үүнээс нэг тохиолдол нь тусгай үүргийн онгоцоор зөөвөрлөгдөн ирсэн.
Монгол Улсад батлагдсан kopoнaвиpycийн нийт тохиолдол 3134 болсон бол Улаанбаатар хотын нийт өвчлөл 2789 боллоо. Сүүлийн 24 цагт 60 хүн эдгэрч эмнэлгээс гарсан. Шинээр халдвар авсан хүмүүсээс 92 нь ойрын хавьтал, 11 хүний халдварын эх уурхайг тодорхойлохоор ажиллаж байна. Халдварын эх уурхай нь тодорхойгүй хүмүүс Баянзүрх дүүргийн 6,14,25,26, Сонгинохайрхан дүүргийн 5, Чингэлтэй дүүргийн 6, Сүхбаатар дүүргийн 1, 10, 15-р хороонд амьдардаг.
Өнөөдрийн байдлаар нийт 740 хүн эмчлүүлж байгаагаас биеийн байдал хөнгөн 692, хүндэвтэр 41, хүнд 5, маш хүнд 2 хүн байна. Өчигдөр Тусгаар тогтнолын ордонд халдварын 60 тохиолдол илэрсэн гэх мэдээлэл цахим орчинд тархсан. Гэхдээ тухайн мэдээлэл нь үндэслэлгүй юм. Учир нь тухайн барилгад халдвартай хүний хавьтал ороод гарсан учраас халдваргүйжүүлэлт хийсэн.
Сэтгэгдэл бичих