Жил ирэх тусам цахим ертөнц асар ихээр хөгжих болсон. Үүнтэй зэрэгцээд эцэг эхчүүд хүүхдүүддээ багаас нь утасны нөлөөтэй болгож хүүхэлдэй, бичлэг, дуу зэргээр сатааруулж байгаа нь элбэг тохиолдол болсон. Тэгвэл Youtube-ээс бичлэг үзүүлэхэд хэтэрхий шүүлтүүр байхгүй эрсдэлтэй бичлэгнүүд дундуур нь орж ирэн хүүхдийн сэтгэцэд сөргөөр нөлөөлдөг байсан.
Үүнтэй холбоотойгоор YouTube эцэг эхчүүдэд зориулж хязгаарлалтын шинэ тохиргоог удахгүй хийнэ гэдгээ танилцуулжээ. Ингэснээр YouTube Kids програмаас гадна хүүхдүүдийн үзэж болох контентыг насанд нь нийцүүлэх, тэдний онцлог, хөгжилд тохирсон агуулгыг аажмаар танилцуулах боломж бүрдэж байгаа юм.
Шинэ тохиргоогоор эцэг эхчүүд дараах гурван түвшний хязгаарлалтыг YouTube-ийн контентод тавьж болох юм байна. Үүнд:
- Explore түвшин нь 9-өөс дээш насны хүүхдүүдэд (влог, зааварчилгаа, тоглоомын видео, хөгжмийн клип, мэдээ, боловсролын болон бусад контент багтана)
- Explore More түвшин нь 13-аас дээш насны хүүхдүүдэд тохиромжтой бол (дээрх төрлийн контентуудаас гадна шууд дамжуулалтын бичлэгийг үзэх боломжтой)
- Most of YouTube түвшин нь насны хязгаарлалттай контентоос бусад бүх контентын үзэх эрхийг олгосон тохиргоо юм.
Сэтгэгдэл бичих