Засгийн газраас энэ сарын 11-23-ны өдрүүдэд Нийслэл Улаанбаатар хотыг бүх нийтийн бэлэн байдлын зэрэгт шилжүүлж, коронавирус цар тахлын халдвартай тэмцэх, урьдчилан сэргийлэх ажлыг явуулсан.
12 хоногийн хатуу хөл хориотой хугацаанд алба хаагчид өглөөний /07:00-15:00/, өдрийн /15:00-23:00/, шөнийн /23:00-07:00/ тогтоосон цагуудад иргэдийн хөдөлгөөнд хяналт тавьж, хөл хорионы дэглэмийг мөрдүүлж ажилласан.
Тодруулбал, Нийслэлийн Онцгой байдлын газар, Нийслэлийн Иргэдийг гамшгаас хамгаалах сургалтын төв, нийслэлийн Аврах 105, дүүргүүдийн Онцгой байдлын хэлтсүүд, Дулааны цахилгаан станц 3, 4 гэрээт галын хэсгийн алба хаагчид, Дотоод хэргийн их сургуулийн Онцгой байдлын сургуулийн сонсогч зэрэг нийт 350 гаруй алба хаагч 178 байршилд, гурван ээлжээр 288 цагийн үүрэг гүйцэтгэсэн байна.
Тухайн үүрэг гүйцэтгэж байгаа алба хаагчдыг ZOOM аппликейшн ашиглан тодорхой цагуудад бүртгэж, ажиллаж байгаа байршлын нөхцөл байдлын талаар шууд мэдээллийг хүлээн авч байснаараа онцлог болсныг нийслэлийн Онцгой байдлын газраас мэдээллээ.
Сэтгэгдэл бичих