Мьянмарын төрийн эрхийг гартаа оруулсан цэргийн эрх мэдэлтнүүд өчигдөр интернэтийг тасалсан нь иргэдийн эсрэг хүчирхийлэл үйлдэх нь гэсэн болгоомжлолыг төрүүлээд байсан билээ. Цэргийнхэн өчигдөр интернэтийг эргүүлэн нээсэн ч өнөө өглөө дахин хаажээ. Тиймээс НҮБ-аас мэдэгдэл гаргасан байна. Мэдэгдэлд хэрвээ иргэдийн эсэргүүцлийг хүч хэрэглэн дарвал үр дагавар нь маш хатуу байх болно хэмээн сануулжээ.
Мьянмарт өнгөрсөн сарын сүүлээр төрийн эргэлт гарц, цэргийнхэн эрх мэдлийг гартаа авсан. Тэд эрх баригч намын удирдагч, эрх баригч намаас сонгогдсон Ерөнхийлөгчийг хорьж, өнгөрсөн арваннэгдүгээр сард болсон Парламентын сонгуулийг луйвардсан хэмээн буруутгаад байгаа юм. Цэргийнхнийг эсэргүүцсэн иргэдийн хөдөлгөөн энэ сарын 1-нээс эхлээд одоо үргэлжилж байна.
Сэтгэгдэл бичих