Улсын онцгой комиссын хэвлэлийн төлөөлөгч Ц.Ганзоригийн мэдээлэл хийлээ. Тэрээр ‘Дэлхий нийтэд онол, практикийн хувьд үр дүн нь гарсан вакцинуудыг шат дараатайгаар нийлүүлээд иргэн танд аль вакциныг хийлгэх вэ гэх сонголтыг үлдээнэ’ хэмээсэн юм.
Тэрээр, Оксфордын их сургуулийн Астразеника вакциныг албан ёсоор ДЭМБ зөвшөөрсөн байна. Ингэснээр COVAX хөтөлбөрийн хүрээнд дэлхий нийтэд тэгш хүртээмжтэйгээр дархлаажуулах ажлыг хэрэгжүүлэх зөвшөөрлийг олгосон байна.
Хүмүүс ОХУ-ын вакциныг авахгүй юм уу гэж асууж байна. Манай улс ОХУ-ын СпутникV вакциныг авахаар олон удаагийн яриа хэлэлцээр хийсэн. ДЭМБ-ын зөвлөсний дагуу шат дараатайгаар оруулж ирнэ. Мөн урд хөршөөс вакцин авахаар яриа хэлэлцээр хийсэн. Энэтхэг Улсаас АстраЗеникагийн вакциныг оруулж ирнэ. Мөн Герман, АНУ-ын хамтарсан Файзер вакцин бий.
Энэ мэтчилэн дэлхий нийтэд онол, практикийн хувьд үр дүн нь гарсан вакцинуудыг шат дараатайгаар нийлүүлээд иргэн танд аль вакциныг хийлгэх вэ гэх сонголтыг үлдээнэ. Зарим улсад нэг төрлийн вакцин хийж буйг та бүхэн олон улсын мэдээнээс олж харсан байх хэмээсэн юм.
Сэтгэгдэл бичих