Өргөө амаржих газарт өчигдөр амаржсан эхээс PCR шинжилгээ авахад халдвар авсан нь тогтоогдсон. Улмаар эх, нярай хоёрыг ХӨСҮТ-д хүргэхээр авч явахдаа нимгэн халаад, гэрийн шаахайтай эмнэлгээс гаргасан нь олон нийтийн дунд шүүмжлэл дагуулаад байгаа юм.
Улмаар уг асуудлаар УОК-ын дарга, Шадар сайд Я.Содбаатар уучлал хүсч, хариуцлага алдан хүнлэг бус үйлдэл гаргасан албаны хүмүүст хариулага тооцохыг Эрүүл мэндийн сайд Т.Мөнхсайхан үүрэгдсэн. Үүний дагуу Эрүүл мэндийн сайд Т.Мөнхсайхан эмнэлгийн удирдлагын багтай өчигдөр шуурхай хуралдсан.
Хурлаар Эрүүл мэндийн сайд Т.Мөнхсайхан НЭМГ-ын удирдагуудад хариуцлага тооцохыг Хотын дарга Д.Сумъяабазарт, Өргөө амаржих газарт хариуцлага тооцох асуудлыг НЭМГ-т уламжилж, саналаа хүргүүлэхээр тогтсон байна.
Эрхлэх асуудлын хүрээнд ХӨСҮТ-ийн дарга Д.Нямхүүд цалин бууруулах тэргүүтэй сахилгын арга хэмжээ авахаар болжээ.
Сэтгэгдэл бичих