Монгол-Хятадын худалдааны бүс болсон Эрээн хот коронавирусээс шалтгаалж хилээ хэдэн сар хаасны эцэст эргэн нээгдсэн тухай Эрээн хотын захиргаанаас мэдээллээ.
Хил дахин нээгдсээнээр Эрээн хотоор нэвтрэх худалдааны эргэлт нэмэгдэнэ гэж эрх баригчид үзэж байна.
БНХАУ-ын Засаг захиргаа 2016 оноос эхлэн Эрээн хотыг худалдааны бүс болгон хөгжүүлэхээр шийдвэрлэсэн юм. Ингэснээр Өвөр Монгол дахь худалдааны цор ганц чөлөөт бүс нь Эрээн болсон билээ. Энэ жил коронавируст цар тахлаас шалтгаалан хоёрдугаар сараас эхлэн Эрээн хотын худалдааны бүс үйл ажиллагаагаа тодорхойгүй хугацаагаар зогсоосон юм.
Цар тахлын дэгдэлт аажмаар саарах хандлага ажиглагдаж байгаа тул вирусээс урьдчилан сэргийлэх, хянах, ариутгал халдваргүйжүүлэлтийн систем нэвтрүүлсэн гэж Эрээн хотын захиргаанаас онцолжээ.
Эх сурвалж: Xinhua
Сэтгэгдэл бичих