НҮБ-ын Хүүхдийн сан, Швейцарийн хөгжлийн агентлаг, Монгол Улсын Засгийн газраас санхүүжүүлж буй CHIP багц (монгол гэрийн халаалт, дулаалгын бүтээгдэхүүн)-аас 10 ширхэг дулаалгын багцыг Өмнөговь аймгийн Засаг даргын тамгийн газарт Пипл ин Нийд ТББ гардуулан өглөө.
CHIP багцыг олон улсын болон дотоодын тэргүүлэх эрдэмтэд, шинжээчид гэрт түлдэг нүүрсний хэрэглээг арилгахын тулд үр дүнтэй шийдлийг боловсруулжээ.
Үүнд:
- Монгол гэрт амьдардаг хүмүүсийн нүүрсний хэрэглээг арилгах,
- Яндангүй шийдлийг олон улсын болон дотоодын тэргүүлэх эрдэмтэд, шинжээчид боловсруулж,
- Иргэдийн гэрт нүүрсний хэрэглээг арилгах, яндан буулгах хямд, үр дүнтэй шийдлийг боловсруулсан болно.
CHIP багц нь гэр хорооллын оршин суугчдыг өвлийн улиралд цэвэрхэн халаалт, тогтвортой дулаанаар хангахад оршино.
CHIP багц нь зөвхөн гэрийг дулаан байлгахаас гадна гэр доторх дотоод агаарын бохирдол, ялангуяа бага насны хүүхэдтэй айлуудын агаарын бохирдлыг бууруулах зорилготой юм. Байгаль орчны хор хөнөөлд хамгийн эмзэг бүлэг нь хүүхдүүд байдаг. Жил бүр дэлхий даяар 5-аас доош насны 1,5 сая хүүхэд нас барж байгаад дараах шалтгаанууд нөлөөлж байна. Үүнд, Агаарын бохирдол, усны бохирдол, хорт бодисын нөлөө, хүрээлэн буй орчны бусад хор хөнөөлөөс бага насны хүүхдүүх насан туршийн өвчтэй, тахир дутуу болох, эрт нас барж байна.
Гэртээ нүүрс түлэх нь хичнээн хохиролтой, эх хүүхдийн эрүүл мэндэд ямар хор хөнөөлтэй болоод бусад сөрөг нөлөөг бид мэддэг болсон. Иймд нэн даруй нүүрсний хэрэглээнээс татгалзацгааж, амьдрах орчноо сайжруулах технологийг нэвтрүүлж хүүхдүүдийнхээ эрүүл мэнд амь насыг хамгаалцгаая гэж Пипл ин Нийд ТББ-ын төсөл, хөтөлбөр хариуцсан захирал М.Мөнхсаруул хэллээ.
Өмнөговь аймаг дахь CHIP төсөл нь өсөн нэмэгдэж буй хот суурин газрын агаарын бохирдлын түвшинг бууруулах замаар эх, хүүхдийн эрүүл мэнд, амьдрах орчныг сайжруулах зорилготой аймгийн хэмжээнд 2021-2024 оны хооронд хэрэгжих ‘Цэвэр агаар’ хөтөлбөрийг боловсруулан, хэрэгжүүлэхэд дэмжин оролцож байна.
2018 онд, НҮБ-ын Хүүхдийн сан Баянхонгор аймгийн засаг даргын тамгын газартай хамтран CHIPS багцыг гаргасан. Тэд хамтдаа 2022 он гэхэд Баянхонгор аймгийн төвийг Монгол Улсын анхны утаагүй хот болгох зорилт дэвшүүлж ажиллаж байна. Өнөөдрийг хүртэл Баянхонгор хотын 250 өрх CHIPS багцыг авсан нь эерэг үр дүнтэй байна. Баянхонгор аймгийн сайн туршлагыг энэ жил Өмнөговь, Говь-Алтай аймаг, УБ хотын Баянзүрх дүүрэгт хэрэгжүүлж эхлээд байна.
Сэтгэгдэл бичих