Нэгэн цагт МАН-ын луйвар, булхай, дээрмийг таслан зогсоож чадна гэдэгт эргэлзэхгүй байна хэмээн ярьж байсан МАХН-аас БГД-т нэр дэвшиж ялалт байгуулсан Э.Магнайбаяр МАН-д элссэн талаарх мэдээллийг өмнө нь бид хүргэсэн билээ. http://todmedee.mn/11688.html
Тэгвэл Баянгол дүүргийн ИТХ-д сонгогдсон эрхэмүүд яг одоо үнэмлэхээ авахаар БГД-ийн ЗДТГ-ын байранд цугларч байна. Тодруулбал, МАН-ын 20, АН-ын 18, ХҮН-ын хоёр нэр дэвшигч, мөн МАХН-аас нэр дэвшиж ялалт байгуулсан ч өчигдөр МАН-д элссэн Э.Магнайбаяр нар үнэмлэхээ гардаж авахаар очжээ.
Харин тус байранд БГД-ийн 23 дугаар хорооны иргэд цугларан, Э.Магнайбаяр руу гурил цацаж, өндөг шидэж эсэргүүцлээ илэрхийлж байна. Учир нь МАХН-д итгэл үзүүлэхээр Э.Магнайбаярд санал өгсөн боловч тэрбээр ялсныхаа дараа МАН-д элссэн нь увайгүй үйлдэл хэмээн иргэд үзэж байгаа аж.
Сэтгэгдэл бичих