Өнөө жилийн улсын наадамд шөвгөрсөн гурван бөхөөс допинг илэрсэн ба тэдний нэг нь Улсын аварга Н.Батсуурь байсан юм. Тэрээр үүнтэй холбоотой өнөөдөр мэдэгдэл хийлээ.
7 сарын 12-нд Үндэсний их баяр наадмаар үзүүрлэж Тод сайхан гэсэн чимэг авсан. Үүнээс хоёр сарын дараа допингийн хариу ирж, миний биеэс Триметазидини гэх допингийн төрлийн бодис илэрсэн гэж мэдэгдсэн. Үүнийг би хүлээн зөвшөөрч, зөв гэж үзэж байна.
9-р сарын 14-ний өдөр хариугаа аваад, энэ эмийг өөрийнхөө чинээгээр судалсан. Энэ эм бол зүрхний эм. Монголын эмийн санд нэг ширхэг нь 500 төгрөгөөр зарагддаг. Шинжилгээний хариуг аваад би их гайхаж байна. Допингийн шинжилгээний хариуг өнөөдөр Бөхийн салбар хорооноос бичгээр авсан. Маш бага хэмжээгээр илэрсэн гэж гарсан. Энэ эм бол допингийн төрөлд багтдаг эм юм байна. Лабораторийн шинжилгээтэй би маргахгүй. Иймээс би хариуцлагаа хүлээнэ. Би нийт бөх сонирхогч монголчуудаасаа уучлалт хүсэж байна” гэлээ
Сэтгэгдэл бичих