Apple корпорацийг үндэслэгчийн бэлэвсэн эхнэр Лорен Пауэлл Жобс өвлөж авсан хөрөнгө мөнгөө Atlantic сэтгүүлээр хуурамч мэдээ түгээхэд ашиглаж байна хэмээн АНУ-ын Ерөнхийлөгч Дональд Трамп буруутгалаа.
Ням гарагт Трамп твиттер хуудсандаа “Стив Жобс өөрийнх нь үлдээсэн мөнгийг эхнэр нь хэт зүүний үзэлтэй, үл бүтэх этгээдийн эрхлэн гаргадаг сэтгүүлд зарцуулж, хуурамч мэдээ мэдээлэл тарааж байгааг харвал баярлахгүй нь тодорхой!” гэж бичжээ.
Блүүмбэрг агентлаг Лорен Пауэл Жобсын хөрөнгийн хэмжээг $33.3 тэрбум гэж тооцоолсон нь дэлхийд зургаад орох баян эмэгтэй гэсэн үг юм.
Atlantic сэтгүүл 2018 онд Трамп Парист очихдоо Америк цэргийн оршуулгын газар очихоос татгалзсан нь түүнийг азгүйчүүд дүүргэснээр тайлбарласан гэж мэдээлсэн байна. Ерөнхийлөгч Пенсильванид очихдоо уг мэдээллийг эрс няцаасан аж.
Түүний хэлснээр хатагтай Жобс “зүүний радикал” сэтгүүлд мөнгөө үрж байгаад талийгаач яагаад ч баярлахгүй байсан гэнэ. Цагаан ордны эзэн уг сэтгүүл худал мэдээ түгээн, нийгэмд үзэн ядалтыг өдөөж байна гэлээ. Мөн уншигчдад хандан Жобсийн бэлэвсэн эхнэрт хандан тайлбар бичихийг уриалсан байна.
Сэтгэгдэл бичих