Завхан аймгийн Тосонцэнгэл сумаас гарах хөдөлгөөнийг хязгаарлажээ. Учир нь тус сумын нутаг дэвсгэрт тарваган тахал өвчний сэжигтэй тохиолдол илэрсэнтэй холбогдуулан урьдчилан сэргийлэх, эрсдэлийг бууруулах, хамгаалах зорилгоор Тосонцэнгэл сумын нутаг дэвсгэрээс гарах нийтийн болон хувийн тээврийн хэрэгслийн зорчих хөдөлгөөнийг 2020 оны 09 дугаар сарын 03-ны өдрийн 22:00 цагаас эхлэн тодорхойгүй хугацаагаар хязгаарлахаар болсон байна.
