Баянгол дүүргийн нутаг дэвсгэрт буюу Вокзалын хойд талын зам дээр ‘Вокзал-Ботаник’ чиглэлийн троллейбус шатжээ. Нийслэлийн Онцгой байдлын газрын алба хаагчид ирж, галыг унтраасан байна.
Үүнтэй холбоотойгоор Вокзал орчмын замын зохион байгуулалтад түр зуур өөрчлөлт орсон гэдгийг Тээврийн цагдаагийн албанаас мэдээлж байна. Төмөр замын сургууль талаас ирж буй тээврийн хэрэгслүүдийн хөдөлгөөнийг баруун тийш туслах зам руу оруулж буй аж. Харин ‘Нарны зам’-ын хөдөлгөөн хэвийн үргэлжилж байна.
Нийт жолоочдыг тээврийн хэрэгслийн аюулгүй байдлыг хангаж, галын хор, эмийн сан зэргийг бэлэн байдалд авч явахыг холбогдох албаны зүгээс анхааруулж байна.