Шударга өрсөлдөөн хэрэглэгчийн төлөө газар иргэд, аж ахуй нэгжийн гомдлыг онлайнаар буюу фэйсбүүк, твиттер-ээр хүлээж авах системийг нэвтрүүлэх ажиллаж байгаа юм байна.
Өнөөдөр ШӨХТГ, мэдээлэл технологийн чиглэлээр үйл ажиллагаа явуулдаг аж ахуй нэгж, судлаачид энэ талаар уулзалт, хэлэлцүүлэг зохион байгууллаа. Тэрээр талуудаас дараах саналуудыг гаргажээ.
- Төр өөрөө хувийн хэвшлийн гол өрсөлдөгч болсон
- Жилдээ дунджаар 280 орчим сая доллар мэдээлэл, технологийн чиглэлээр Монгол улсад эргэлдэж байна. Түүний ихэнх нь гадны төсөл хөтөлбөрүүд бөгөөд эргээд гадагшаа урсаж байна
- Мэдээлэл технологи, блокчейн асуудлууд эрх зүйн бодлогын зохицуулалт муу, тодорхой хуулиудад нарийвчлан заагдаагүй
- Хяналт шалгалтын байгууллагуудад мэргэжлийн улсын байцаагч ажилладаггүйтэй холбоотойгоор аливаа гомдол шийдвэрийг цаг алдалгүй зөв гаргаж чаддаггүй гэх мэт саналуудыг тавьсан байна.
ШӨХТГ-аас Мэдээлэл технологи хариуцсан мэргэшсэн улсын байцаагчтай болох, Даргын зөвлөхөөр мэргэшсэн хүнийг томилон ажиллуулж хууль эрх зүйн өөрчлөлтүүд дээр хамтарсан ажлын хэсэгт оруулах асуудлыг газар дээр нь шийдвэрлэлээ.
