Австралийн Элчин сайдын яамны дэмжлэгтэйгээр Олон улсын эмэгтэйчүүдийн худалдаа, аж үйлдвэрийн холбоо (IWFCI Mongolia) болон Монголын Урлагийн Зөвлөл хамтран “ЗҮҮМ: Би тэгш оролцоот нийгмийг эрмэлзэгч үеийн төлөөлөл” гэрэл зургийн төслийг санаачлан хэрэгжүүлж байна. Уг төслийн хоёрдугаар хэсгийн хүрээнд “ЗҮҮМ” гэрэл зургийн уралдааныг зарлажээ.
Тус уралдаан нь соёлын бүтээлч үйлдвэрлэлийн хүчирхэг салбар болох гэрэл зургаар дамжуулан эмэгтэй уран бүтээлчдийг дэмжих, тэдний тэгш эрхийн дурангаар нийгмийг тольдон, бүтээлүүдээр дамжуулан нийгэм дэх тэгш боломж, оролцоог нэмэгдүүлж, тэгш бус хүртээмж, жендэрийн хэвшмэл ойлголтыг өөрчлөх, эрх тэгш байдал, аюулгүй байдлыг хангахад нөлөөлөх, цаашлаад олон нийтэд таниулах зорилготой аж.
Тэгш оролцоот нийгмийг сурталчилсан гэрэл зургийн бүтээлийг:
- Хөрөг
- Ажлын байр гэсэн төрөлд хүлээж авах ба бүтээлүүдийг мэргэжлийн болон гэрэл зураг сонирхогч гэсэн хоёр ангилалд шалгаруулах юм байна.
Тэмцээнд оролцох уран бүтээлчид товч танилцуулга, гэрэл зургийг тайлбар эссэний хамт Монголын Урлагийн Зөвлөлийн [email protected] мэйл хаягаар болон Red Ger Creative Space цахим хуудсаар 2020 оны есдүгээр сарын 20-ны дотор ирүүлээрэй.
Шагналын сан:
- Шилдэг ХӨРӨГ бүтээл /мэргэжлийн/ : 1.000.000 төгрөг
- Шилдэг АЖЛЫН БАЙР бүтээл /мэргэжлийн/ : 1.000.0000 төгрөг
- Шилдэг ХӨРӨГ бүтээл /сонирхогч/ : 800.000 төгрөг
- Шилдэг АЖЛЫН БАЙР бүтээл /сонирхогч/ : 800.000 төгрөг
- Олны хүндэтгэлийг хүлээсэн бүтээл: 500.000 төгрөг
