Тайландын Засгийн газар согтуугаар жолоо барих явдалд маш нухацтай хандахаар шийджээ. Архи согтууруулах ундаа хэрэглэсэн үедээ тээврийн хэрэгсэл жолоодсоноос үүдэж Тайланд улсад долоо хоногт дунджаар хоёр хүн нас барж байна, мөн цаг тутамд 160 орчим хүн хүнд, хөнгөн байдлаар бэртэж гэмтэж байна гэсэн тооцоо судалгаа гарчээ.
Асуудлыг шийдэх Засгийн газрын арга маш энгийн гэнэ. Шийтгэл хүлээсэн жолоочийг морг буюу цогцос хадгалах газарт ажиллуулна. Үр дүн нь үнэхээр дээд зэргээр мэдрэгджээ. Энэхүү арга техникийг Тайландын Засгийн газар аль 1970-аад оноос хойш хэрэгжүүлж эхэлсэн байна. Ингэснээр хууль дүрэм зөрчиж байгаа залуу үеийг айлгах зорилго агуулжээ.
Захиргааны шийтгэл авсан согтуу жолооч моргийн ажилтнуудтай цуг ажиллах ёстой, тэд авто ослоор нас барсан хохирогчдын цогцсыг цуглуулах, задлан шинжилгээ хийхэд цуг байх, оршуулгын үйл явцад бэлдэх ажилд туслах үүрэгтэй.
