Тэрээр COVID-19 цар тахлаас улбаатай бүх үйлчилгээний газрууд хаасантай холбоотой хүн бүрд зориулж өөрсдийн санаачлалаар “Unegui Fitness” хэмээх фэйсбүүк групп нээсэн байна. Өглөө 06 цагаас мөн орой 20:00 цагаас тус бүр үнэгүй дасгалуудыг хэсэгчлэн зааж, зөвлөгөө өгдөг аж. Үйл ажиллагаа явуулж эхлээд гурван сарын хугацааг өнгөрөөжээ. Ингэхдээ өөрсдийн хуудсандаа 150 мянган гишүүнтэй болоод байна. Тэрээр одоогоор Үндэсний цэцэрлэгт хүрээлэнд өглөө бүр 06 цагаас зорьж ирсэн бүх хүмүүстэй дасгал хамт хийж эхлээд нэлээдгүй хугацааг өнгөрөөгөөд байгаа юм.
Ерөнхий сайдын эрхлэх асуудлын хүрээнд байгуулагдсан Биеийн тамир, Спортын улсын хороотой нийтийн биеийн тамирыг хөгжүүлэх тал дээр “Үнэгүй Фитнесс” ТББ хамтран ажиллахаар боллоо. Улсын хороо нь хүн амд биеийн тамирын ажил, үйлчилгээг чанартай тэгш хүртээмжтэй хүргэж, идэвхтэй хөдөлгөөн, спортыг амьдралын салшгүй нэг хэсэг болгох, шинжлэх ухаан, технологийн дэвшилд тулгуурлах зорилготой аж.
