Монголын жүдо бөхийн холбоо хоёр шинэ дэд ерөнхийлөгчтэй болж буйгаа өнөөдөр зарлалаа. Тодруулбал, Жимобайл ХК-ийн захирал Г. Дашням болон “ MGT mining” ХК-ийн захирал С. Гал-Эрдэнэ нар тус холбооны шинэ дэд ерөнхийлөгчдөөр тодорсон байна.
Г.Дашнямын хувьд өмнө нь Монголын хөлбөмбөгийн холбооны дэд ерөнхийлөгчөөр ажилласан байсан багагүй туршлагатай нэгэн юм.
Ташрамд дуулгахад өнөөдөр жүдо бөхийн Улаанбаатар Гран При 2020 зохиогдож байна. Монголын жүдогийн өдөрт зориулсан насанд хүрэгчдийн энэхүү тэмцээн эрэгтэй -60кг, -66кг, -73кг, -81кг, -90кг, 100кг болон эмэгтэй -48кг, -52кг, -57кг, -63кг, -70кг, 78кг гэх зэрэг жингийн ангиллуудаар Буянт-Ухаа спорт цогцолборт явагдаж байна.
