Нэмж таван хүн эдгэрч эдгэрсэн тохиолдол 20 боллоо

Эрүүл мэндийн яам/ЭМЯ/-наас шинэ коронавирусийн тархалттай холбоотой ээлжит мэдээллээ хийж байна.

ЭМЯ-НЫ ТАНДАЛТ ШУУРХАЙ УДИРДЛАГЫН ХЭЛТСИЙН ДАРГА Х.НАРАНГЭРЭЛ:

Шинэ коронавирусийн халдвараар дэлхийн 216 оронд 4.5 сая хүн өвчилсөн бол 1.7 сая хүн эдгэрч, 2.4 сая хүн эмчлүүлж байна.

Өнгөрсөн 24 цагийн дотор 94 мянган хүн шинээр халдвар авч, 5000 хүн нас барсан.

Турк улсаас тусгай үүргийн нислэгээр ирсэн зорчигчдыг өчигдөр /2020.05.14/ Цэргийн төв эмнэлэг, ХӨСҮТ, Амар, Мичид зэрэг зочид буудалд байрлуулсан.

ОХУ-аас өчигдөр газраар 200 гаруй оюутан ирсэн. Тэднийг Орхон, Дархан—Уул,  Сэлэнгэ зэрэг  аймгуудын амралт сувиллын газарт байрлуулж, тусгаарласан.

Өнөөдрийн байдлаар 22 хүн гэрийн тусгаарлалтад шилжсэн. 1619 хүн ажиглалтад байна.

ХАЛДВАРТ ӨВЧИН СУДЛАЛЫН ҮНДЭСНИЙ ТӨВИЙН ЕРӨНХИЙ ЗАХИРАЛ Д.НЯМХҮҮ:

Өнөөдөр ХӨСҮТ-өөс  таван хүн эмчлэгдэж гаран, дараагийн хяналтын шатанд шилжлээ. Өнгөрсөн хугацаанд 20 хүнийг эдгэрүүлж, гаргасан байна. Таван хүний дөрөв нь оюутан, нэг нь 55 настай эмэгтэй эдгэрсэн. Эмчилгээнд байсан хоног дээд тал нь 55, зарим нь 25-30 хоног. 20-21 насны оюутнууд эдгэрч гарсан.

Өчигдрийн шинжилгээний дүнтэй нийлүүлбэл 98 хүн албан ёсоор халдвартай гэж оношлогдсон.  Нийт 78 хүн эмчилгээ хяналтад байна.

ХӨСҮТ-өөс дотор орж тусгаарлагдан нийтдээ 38 эмч сувилагч, үйлчлэгч ажиллаж байна. 14 их эмч, ес нь сувилагч зургаа нь ариутгагч зэрэг ажиллаж байна.

Өчигдрийн байдлаар ХӨСҮТ, Дарханы салбар нийт дөрвөн лабораторид 381 хүнд шинжилгээ хийхэд коронавирус илрээгүй.

Дархан-Уул аймгийн салбар лабораторид Алтанбулагийн боомтоор орж ирсэн 44 жолооч, 10 тусгаарлагдсан хүний шинжилгээ хийхэд мөн коронавирус илрээгүй.

Сөүл –Улаанбаатар чиглэлийн тусгай үүргийн нислэгээр 5 сарын 1-нд ирсэн иргэдэд давтан шинжилгээ хийхэд мөн шинэ коронавирус илрээгүй.