АНУ-ын Ерөнхийлөгч Дональд Трампын БНХАУ-д хийх төрийн айлчлал өнөөдөр эхэлж, 5-р сарын 15-ныг хүртэл Бээжин хотод үргэлжилнэ. Энэ нь түүний Ерөнхийлөгчөөр дахин сонгогдсоноос хойшхи Хятад дахь анхны айлчлал болж байгаа бөгөөд дэлхийн эдийн засаг, худалдааны харилцаа, бүс нутгийн аюулгүй байдлын асуудалд өндөр ач холбогдолтой үйл явдал юм.
БНХАУ-ын дарга Ши Жиньпинтэй хийх уулзалтын үеэр хоёр улсын худалдааны тариф, технологийн экспортын хязгаарлалт, Тайванийн асуудал, Иран болон Ойрхи Дорнодын нөхцөл байдал зэрэг олон улсын анхаарал татсан асуудлуудыг хэлэлцэхээр төлөвлөжээ.
Шинжээчдийн үзэж буйгаар энэхүү айлчлал нь АНУ, БНХАУ-ын харилцааны ирээдүйн чиг хандлагыг тодорхойлох, сүүлийн жилүүдэд хурцадсан эдийн засаг, геополитикийн өрсөлдөөнийг зөөлрүүлэх боломж байж болох юм. Мөн хоёр улсын удирдагчдын уулзалт нь дэлхийн зах зээл болон олон улсын дипломат харилцаанд чухал нөлөө үзүүлэхээр байна.
Трампын айлчлалын үеэр аюулгүй байдлын өндөр түвшний хамгаалалт хэрэгжиж, Бээжин хотод олон улсын хэвлэл мэдээллийн анхаарал төвлөрөөд байна.
Сэтгэгдэл бичих