Монгол Улсын ерөнхий сайд “ЧӨЛӨӨЛЬЕ” санаачилга, эрх чөлөөний дөрвөн зам, дөрвөн чөлөөлөлтийн бодлогыг дэвшүүлсэн. Энэ хүрээнд Боловсролын яамнаас “Монгол хүүхэд, залуусыг мэдлэг, ур чадварын хоцрогдлоос чөлөөлье” цогц арга хэмжээг энэ сарын 22-ны өдөр Засгийн газраар батлуулаад байгаа юм. Уг арга хэмжээний хүрээнд хийгдэх долоон гол шинэчлэлийг Боловсролын сайд Л.Энх-Амгалан танилцууллаа.
Тухайлбал энэхүү цогц арга хэмжээний “Багшийг ажлын ачааллаас чөлөөлье” гэх хэсэгт төрийн зардлаар суралцсан ч мэргэжлээрээ ажиллахгүй байгаа багш нарын зардлыг нөхөн төлүүлнэ, багшийн дутагдалтай сургуульд очиж ажилласан залуучуудыг цэргийн алба хааснаар дүйцүүлэх зэрэг зүйлсийг тусгажээ.
1. Хөтөлбөрийн шинэчлэл “ЭКОСИСТЕМ”
✔️ Багаар ажиллах, шийдвэр гаргах, ялгаатай байдлыг хүлээн зөвшөөрөх, задлан шинжлэх зэргээр суралцагчдыг мэдлэг олох явцдаа олж буй дээд эрэмбийн ур чадваруудыг суулгана.
✔️ Биеийн тамир, сэтгэлийн тамир, оюуны тамиртай ирээдүйн иргэдийг бэлтгэнэ.
✔️ Малчдын хүүхдийг 9 нас хүртэл нь эцэг, эхтэй нь байлгах хосмол сургалт буюу малчдын хүүхдийн “blended learning” боловсролын шинэ тогтолцоог бий болгоно.
2. Багшийг ажлын ачааллаас чөлөөлье
✔️ Багшийн дутагдлыг нөхөх
✔️ Төрийн зардлаар суралцсан ч мэргэжлээрээ ажиллахгүй байгаа багш нарын зардлыг нөхөн төлүүлэх
✔️ “Эрдэмт багш нараа Эх орон нь дуудаж байна” аян өрнүүлэх
✔️ Багшийн дутагдалтай сургуульд очиж ажилласан залуучуудыг цэргийн алба хааснаар дүйцүүлэх
✔️ Төгсөх ангийн оюутнуудыг ажлын байран дээр ажиллуулан төгсгөх
✔️ Багш бус мэргэжлээр төгссөн болон төгсөх оюутнуудад зориулсан тусгай хөтөлбөр хэрэгжүүлэх
✔️ “Teach Mongolia” хөтөлбөрийг өргөжүүлэх
3. Хамгийн сайн сургууль гэрт ойрхон сургууль
✔️ Сургуулийн бүтэц, хэв шинжийн өөрчлөлт: Ерөнхий боловсролын сургуулиудын бүтцийг дахин төлөвлөж, сум дундын ахлах сургууль, төрөлжсөн ахлах сургуулиудыг хөгжүүлнэ
✔️ Олон улсын хөтөлбөртэй төрийн өмчит ахлах сургууль: Бүс бүрд олон улсын хөтөлбөртэй сургуулиудыг байгуулж, хичээлийн байр, лаборатори, кабинет, дотуур байрыг иж бүрэн төлөвлөнө
✔️ Хотхоны болон багийн бага сургуулийн шинэ загвар: Нийслэл, аймгийн төвүүдэд хотхоны бага сургууль, алслагдсан хязгаар нутгуудад багийн бага сургуулиудыг хямд төсрөөр шийднэ
4. Цахимжуулж чөлөөлье (Big Data and AI)
✔️ EdTech инновац ба AI туслах: Багшийн AI туслах, сурагчийн AI туслах, интерактив болон дижитал сургалтын материал, EdTech шийдлийн хөгжүүлэлт болон нэвтрүүлэлт
✔️ Дижитал засаглал ба менежментийн шинэчлэл: Сургуулиудын дотоод удирдлагын системийг сайжруулна, их өгөгдөлд суурилсан шийдвэр гаргалт, боловсролын цахим үйлчилгээг сайжруулах
✔️ Дэд бүтэц ба техник хангамж: ТХХТ-ийн хүрээнд тоног төхөөрөмжийн шинэчлэл, дижитал хуваагдлыг арилгах, үүлэн технологи
5. Хуурамч дүнгүй үнэлгээний систем
✔️ Өөрийн үнэлгээ, явцын үнэлгээ, чанарын судалгаа, олон улсын үнэлгээ зэрэг бүх түвшний үнэлгээ нь боловсролын чанарыг сайжруулах, нотолгоонд суурилсан бодлого боловсруулахад чиглэнэ
6. Сайн засаглал
✔️ Сургуулийн засаглалыг сайжруулж, бие даан хөгжих боломжийг нэмэгдүүлнэ
✔️ Удирдах ажилтан бэлтгэх тогтолцоог бүрдүүлж, хүний нөөцийг хөгжүүлнэ
✔️ Сургууль, багшийн санаачилгыг дэмжих, ажлын байрандаа хөгжих нөхцөлийг бүрдүүлнэ
7. Гүйцэтгэл, үр дүнгийн санхүүжилт
✔️ Үндсэн цалингийн хэмжээг 50 хувиар нэмэгдүүлж, нэмэгдэл хөлс болон нэмэгдлийг Засгийн газраас тогтоосон цалингаас тооцно
✔️ Цалингаас бусад хувьсах зардлын бүрэлдэхүүнийг инфляцийн түвшинтэй уялдуулан нэмэгдүүлсэн (30%)
✔️ Хүүхдийн тооноос хамаарсан итгэлцүүрийн интревалын түвшинг нарийвчлан тооцсон
✔️ Төрийн бус өмчийн орон нутаг дахь Ерөнхий боловсролын сургуулийн төлбөрөөс хамаарсан итгэлцүүрийг өөрчилсөн
✔️ Цэцэрлэгийн хичээлийн байрны тооноос хамаарах итгэлцүүрийг нэмж тооцсон
Сэтгэгдэл бичих