Нийслэлд энэ сарын 7-ноос 8-нд шилжих шөнө бага насны хүүхдийн амь нас хохирсон онц ноцтой хэрэг гарч, цагдаагийн байгууллагаас шалгалтын ажиллагаа явуулж байна.
Эх сурвалжийн мэдээлснээр, 23 настай эмэгтэй 8 сартай хүүхдээ гэрээсээ авч гарсны дараа хүнд гэмтэл учруулсны улмаас хүүхэд амь насаа алдсан байж болзошгүй нөхцөл байдал тогтоогдож байгаа аж. Улмаар тухайн эмэгтэй өөртөө гэмтэл учруулан амиа хорлохыг завдсан бөгөөд одоогоор эмнэлгийн байгууллагад хүргэгдэн эмчлүүлж байгаа талаар албаны эх сурвалж мэдээллээ.
Сэжигтэн эмэгтэйг Цэргийн төв эмнэлэг-т хэвтүүлэн эмчилгээ хийж байгаа бөгөөд биеийн байдалд нь эмч нар хяналт тавьж байна.
Хэргийг цагдаагийн байгууллагаас үргэлжлүүлэн шалгаж, болсон нөхцөл байдал, шалтгаан, сэдлийг тогтоохоор ажиллаж байгаа юм. Албаныхан урьдчилсан байдлаар дүгнэлт хийхээс зайлсхийж, мөрдөн шалгах ажиллагаа дууссаны дараа дэлгэрэнгүй мэдээлэл өгөх боломжтойг онцолж байна.
Сэтгэгдэл бичих