Өнгөрөгч бямба гарагт Монгол Улсын 35 дахь Ерөнхий сайдаар Ням-Осорын Учрал томилогдож, шинэ Засгийн газар байгуулагдсан билээ. Тэрбээр Ерөнхий чиг үүргээс бусад яамд дэд сайдтай байх нь зохимжгүй гэсэн байр суурийг илэрхийлсэн ч зарим яаманд дэд сайд томилох асуудал яригдаж эхэлжээ.
Албан бус мэдээллээр дараах нэрс Засгийн газрын дэд сайдаар ажиллахаар яригдаж байна.
- Гадаад харилцааны дэд сайдад Г.Амартүвшин
Тэрбээр Гадаад харилцааны яаманд 22 жил ажилласан туршлагатай дипломатч юм. - Сангийн дэд сайдад Б.Хулан
Олон улсын мэргэшсэн банк, санхүүгийн шинжээч бөгөөд Люксембургийн их сургууль төгссөн, HSBC-д ахлах шинжээчээр ажиллаж байсан туршлагатай. - Хууль зүй, дотоод хэргийн дэд сайдад Д.Мөнх-Эрдэнэ
Нийслэлийн Засаг даргын орлогчоор ажиллаж байсан бөгөөд ажлын гараагаа ХЗДХЯ-наас эхэлсэн нэгэн. - Эдийн засгийн хөгжлийн дэд сайдад С.Даваасүрэн
АНУ-ын Нью Хэмпширийн их сургуульд эдийн засгийн ухааны доктор хамгаалсан, салбартаа 29 жилийн туршлагатай. Мөн 2016–2019 онд Санхүүгийн зохицуулах хорооны даргаар ажиллаж байсан. - Байгаль орчин, уур амьсгалын өөрчлөлтийн дэд сайдад Б.Мөнхтамир
Тэрбээр МИАТ ТӨХХК-ийг удирдаж байсан бөгөөд уур амьсгалын өөрчлөлт, “Тэрбум мод” үндэсний хөдөлгөөн, олон улсын арга хэмжээний зохион байгуулалт зэрэг чиглэлд ажиллаж буй туршлагатай.
Ийнхүү шинэ Засгийн газрын бүрэлдэхүүнд багтах дэд сайд нарын нэрс тодорч эхэлж байгаа ч албан ёсны томилгоо хараахан хийгдээгүй байна.
Сэтгэгдэл бичих