Нийслэлийн Иргэдийн Төлөөлөгчдийн Хурлын төлөөлөгч, “Хот тохижилтын газар” ОНӨААТҮГ-ын даргаар ажиллаж байсан Б.Мөнхцэцэг 2026 оны дөрөвдүгээр сарын 2-ны өдөр зам тээврийн ослын улмаас амь насаа алдсан харамсалтай хэрэг гарлаа.
Албаны эх сурвалжийн мэдээлснээр, тухайн өдөр 08:00 цагийн орчимд Дорноговь аймгийн нутаг дэвсгэрт, “Цагаан хаалга”-наас хойш 10 км зайд хоёр автомашин мөргөлдсөн гэх дуудлага, мэдээлэл цагдаагийн байгууллагад бүртгэгдсэн байна. Шалгалтаар ачааны автомашин болон суудлын автомашин мөргөлдсөний улмаас дөрвөн хүн амь насаа алдсан ноцтой зам тээврийн осол гарсныг тогтоожээ.
Уг хэргийг Дорноговь аймгийн Цагдаагийн газар шалгаж, мөрдөн шалгах ажиллагааг үргэлжлүүлж байгаа аж.
Ялангуяа орон нутгийн замд хурд хэтрүүлэх, анхаарал сарних, тээврийн хэрэгслийн бүрэн бүтэн байдлыг хангаагүйгээс үүдэлтэй эрсдэл өндөр байдаг тул жолооч нар дүрэм, аюулгүй байдлыг чанд мөрдөх шаардлага улам бүр нэмэгдэж байна.
Сэтгэгдэл бичих