16 болон 32 настай хоёр эмэгтэйн амийг онц хэрцгийгээр хөнөөсөн хэрэг 2024 оны зургаадугаар сард гарсан. Уг хэргийн анхан шатны шүүх хурал 2026 оны нэгдүгээр сарын 23-ны өдөр болж, шүүх шийдвэрээ гаргасан юм.
Анхан шатны шүүхийн шийдвэрээр яллагдагч Ц.Дагвадоржид бүх насаар нь хорих ял оноосон байна. Харин шүүгдэгч Э.Номин-Эрдэнэ, Э.Ган-Эрдэнэ, Х.Энхсайхан нарыг гэм буруугүй гэж үзэн цагаатгасан бөгөөд тухайн хэрэгт холбогдсон насанд хүрээгүй шүүгдэгч Х.Энхсайханыг мөн цагаатгах шийдвэрийг гаргажээ.
Мөн шүүхээс гэмт хэргийн улмаас учирсан хохирлыг барагдуулах хүрээнд Ц.Дагвадоржоос 256 сая төгрөгийг 16 настай амь хохирогч “Ш”-ийн ээж Г.Отгонтуяад, харин 205 сая төгрөгийг 32 настай амь хохирогч “З”-ын хууль ёсны төлөөлөгчид олгуулахаар шийдвэрлэсэн байна.
Харин анхан шатны шүүхийн энэхүү шийдвэртэй амь хохирогч “Ш”-ийн ээж Г.Отгонтуяа санал нийлэхгүй байгаа бөгөөд тэрээр шийдвэрийг эс зөвшөөрч, 2026 оны гуравдугаар сарын 12-ны өдөр давж заалдах шатны шүүхэд гомдол гаргажээ.
Сэтгэгдэл бичих