Ираны шинэ дээд удирдагч Mojtaba Khamenei–г Оросын цэргийн онгоцоор нууцаар Moscow хотод авчран эмчилж байгаа талаар Al-Jarida сонин мэдээлжээ.
Тус хэвлэлд дурдсанаар, Vladimir Putin Ираны Ерөнхийлөгч Masoud Pezeshkian–тай утсаар ярилцах үеэрээ Хаменейг Москвад эмчлүүлэх санал тавьсан байна. Москвад ирсний дараа түүнд яаралтай хагалгаа хийсэн бөгөөд амжилттай болсон гэж мэдээлжээ. Одоогоор тэрбээр ерөнхийлөгчийн өргөөнүүдийн нэгэнд байрлах тусгай эмнэлэгт эмчилгээ хийлгэж байгаа аж.
Можтаба Хаменейг Москвад авчрах шийдвэрийг чанартай эмнэлгийн тусламж үзүүлэхээс гадна Израилын довтолгооны үеэр аюулгүй байдлыг нь хангах зорилгоор гаргасан гэж эх сурвалжууд мэдээлсэн байна.
Mojtaba Khamenei энэ сарын 9-нд Ираны дээд удирдагчаар тодорсон гэж мэдээлэгдсэн. Өмнө нь гарсан мэдээллээр, хоёрдугаар сарын 28-нд эхэлсэн довтолгооны үеэр түүний эцэг, Ираны дээд удирдагч Ali Khamenei агаарын цохилтод өртөн амиа алдаж, харин Можтаба шархадсан аж.
Өнгөрсөн долоо хоногт шинэ дээд удирдагч ард түмэндээ анх удаа хандаж мэдэгдэл хийсэн бөгөөд түүний үгийг төрийн мэдлийн телевиз уншиж, хэвлэлүүдэд тараасан байна. Харин Хаменей өөрөө камерын өмнө гарч ирээгүй нь анхаарал татаж байна
Сэтгэгдэл бичих