Нийслэлчүүд дулааны улиралд Богд уул руу хамгийн их салхилдаг. Ингэхдээ ил задгай гал түлж хоол, цай хийдэг нь ойн түймэр гарах эрсдлийг нэмэгдүүлдэг байна. Энэ талаар НОБГ-аас анхааруулах мэдээлэл хийлээ. Он гарсаар нийслэлийн хэмжээнд шар өвсний 75 удаагийн дуудлага бүртгэгдсэн байна.
Гал түймэртэй тэмцэх хэлтсийн дарга, дэд хурандаа Ж.Хүдэрчулуун: “Нийслэлийн хэмжээнд он гарсаар өнөөдрийн байдлаар 897 удаагийн гал түймрийн дуудлага бүртгэгдсэн. Гал түймрийг шалтгаан, нөхцөлөөр нь ангилбал ил галаас үүдэлтэй гал түймэр дийлэнх хувийг эзэлж байгаа бол цахилгаан ашиглалт, яндангийн цоонолтоос шалтгаалсан тохиолдлууд мөн бүртгэгдсэн.
Ялангуяа Богд уул руу алхаж буй иргэд ил гал асааж, хоол, цай хийх тохиолдол их байна. Иймд Нийслэлийн онцгой байдлын газраас “Шар өвс шатахуун адил шатдаг” аяныг эхлүүлж, холбогдох байршлуудад хяналтын пост ажиллуулан иргэдэд тогтмол анхааруулга өгч байна. Гэсэн хэдий ч зарим иргэн алба хаагчдын анхааруулгыг үл ойшоон ил гал гаргасаар байна” гэлээ.
Мэдээллийн эх сурвалж: eguur.mn
Сэтгэгдэл бичих