Монгол Улсаас Тайландын Вант Улсад суугаа Элчин сайд А.Төмөрийн эхнэр Л.Орхон өнгөрсөн 2025 оны тавдугаар сарын 9-нд Тайландын нийслэл Бангкок хотын Хлонг Тоэй дүүрэгт байрлах өндөр барилгын 17 давхраас унаж амиа алдсан харамсалтай хэрэг гарсан нь тухайн үед олон нийтийн анхаарлыг татсан юм.
Тэгвэл уг хэргийг Тайландын хууль хяналтын байгууллагаас мөрдөн шалгаж дуусгаад гаднын нөлөөгүй нас барсан гэж үзэн хаасан талаар эх сурвалж мэдээллээ. Мөрдөн шалгах ажиллагааны явцад талийгаачийн үхэл нь бусдын оролцоогүй, золгүй явдал байсан гэсэн дүгнэлтэд хүрсэн байна.
Л.Орхон нас барсны дараа Тайландын цагдаагийн байгууллагаас хэрэг бүртгэл нээн шалгаж байсан бөгөөд хэргийг хаасан шийдвэр гарснаар мөрдөн шалгах ажиллагаа албан ёсоор дуусгавар болжээ.
Эх сурвалжийн мэдээлснээр Монгол Улсаас Тайландын Вант Улсад суугаа Элчин сайд А.Төмөрийн бүрэн эрхийн хугацаа дуусаж байгаа бөгөөд ойрын хугацаанд эгүүлэн татагдахаар төлөвлөгдөж байгаа аж.
Энэхүү хэрэг гарсан үед дипломат төлөөлөгчийн гэр бүлийн гишүүн гадаад улсад амиа алдсан тохиолдол ховор тул олон нийтэд ихээхэн анхаарал татаж байсан юм.
Сэтгэгдэл бичих