Сонгинохайрхан дүүргийн зургаадугаар хороо, Содон орон сууцны хороололд гэрийнхээ цонхоор унаж амиа хорлох гэж байсан иргэн Б-гийн амийг цагдаагийн албан хаагчид аварчээ. Энэ үйл явдал энэ сарын 4-ний өдөр болсон байна.
Гэрийнхээ цонхоор Б-г үсрэх үед Сонгинохайрхан дүүргийн цагдаагийн II хэлтсийн цагдаагийн алба хаагч Д.Лувсансанжаа н.Шинэбаатар нар мэргэжлийн ур чадвар гарган амийг нь аварсан байна. Д.Лувсансанжаа “Албан хаагчийнхаа хамтаар хүний амь аварсандаа баяртай байна. Миний эмэг эх Фронт Бадам гэж хүн байсан. Увс аймгийн Өмнөговь сумын хүн. Фронтод олон мянган хонь мал хандивласан буянтай хүн. Тийм учраас эмээ шигээ хүнд тустай явахыг боддог” гэжээ.
Амиа хорлох гэж байсан иргэн Б-г цагдаагийн байгууллага шалгаж эхэлсэн байна.
Сэтгэгдэл бичих