Гэмт хэрэг, зөрчил шалгах албанаас Дүүргийн эрүү, иргэний хэргийн хялбар ажиллагааны анхан шатны тойргийн шүүх, Улсын ерөнхий прокурорын газар, Хүний эрхийн үндэсний комисс, Хуулийн сэтгэл судлалын “Асхан” холбоо НҮТББ-тай хамтран алба хаагчдын мэдлэг, ур чадварыг нэмэгдүүлэх, хүүхдийн эрхийг хамгаалах чиглэлээр “Хүүхэд өртөж хохирсон, хүүхдээс үйлдсэн гэмт хэрэг, зөрчлийг шалгахад анхаарах асуудал” сэдэвт сургалтыг зохион байгууллаа.
Сургалтыг нээж Гэмт хэрэг, зөрчил шалгах албаны дарга, цагдаагийн хурандаа Б.Оюутболд үг хэлэхдээ:
Цагдаагийн байгууллагаас хүүхэд хохирсон болон холбогдсон гэмт хэрэг, зөрчлийг мэргэшсэн, тусгайлан сургалтад хамрагдсан эмэгтэй алба хаагчдаар шалган шийдвэрлүүлэх бодлогыг баримталж байна…..
Хүүхэдтэй харилцахад биднээс гарч буй нэг үг, нэг үйлдэл тэдний цаашдын амьдралын чиг хандлагад нөлөөлдөг гэдгийг үргэлж санах ёстой” хэмээв.
Сургалтаар “Гэр бүлийн хүчирхийлэл, хүүхэд хохирсон болон холбогдсон гэмт хэрэг, зөрчлийг шалгах ажиллагаанд анхаарах асуудал”, “Хүүхэд өртөж хохирсон, хүүхдээс үйлдсэн гэмт хэрэг, зөрчилд хэрэг бүртгэлтийн ажиллагаа явуулахад баримтлах алба хаагчийн сэтгэл зүй, оролцогч хүүхдийн сэтгэл зүйн онцлог, түүнтэй ажиллах арга зүй” сэдвүүдийн хүрээнд илтгэл, хэлэлцүүлэг өрнүүлж, практикт тулгамдаж буй асуудлыг жишээ, кейст тулгуурлан хэлэлцсэн нь мөрдөн шалгах ажиллагааны чанар, хүүхдийн эрхийг хамгаалах баталгааг сайжруулах, алба хаагчдын мэргэжлийн ур чадварыг нэмэгдүүлэх чухал ач холбогдолтой юм.
Энэхүү сургалтад нутаг дэвсгэр хариуцсан цагдаагийн байгууллагын мөрдөгч, зөрчлийн байцаагч, хэсгийн байцаагч, гэр бүл, хүүхдийн асуудал хариуцсан эмэгтэй алба хаагчид танхимаар болон цахимаар хамрагдлаа.
Сэтгэгдэл бичих