Хэнтий аймгийн Дадал сумын Ононгийн гүүрийн хажууд оршин суух малчин залуу энэ сарын 6-нд машиндаа шатаж нас баржээ. Хэргийг тодруулбал, Бямба гарагийн 03:32 цагийн орчим Хэнтий аймгийн цагдаагийн хэлтэст 42 настай Э УАЗ-2206 маркийн тээврийн хэрэгсэлтэйгээ шатаж нас барсан талаар дуудлага иржээ.
Албан бус эх сурвалжийн мэдээлснээр Хэнтий аймгийн Дадал сумын Ононгийн гүүрийн хажууд оршин суух малчин 42 настай Э УАЗ-2206 Пургон машиныхаа кабин дотроо нас барсан байжээ. Хэргийг Хэнтий аймгийн цагдаагийн газарт мөрдөн шалгаж байгаа бөгөөд шатсан тээврийн хэрэгсэл, үнс нурам, цахилгааны утас зэргийг хураан авсан гэлээ.
Он гарсаар машин дотроо шатаж нас барсан хоёр ч тохиолдол гарсан билээ. Тодруулбал, өнгөрөгч гуравдугаар сарын 12-13-ны өдрүүдэд “Таван толгой”-д нүүрс тээвэрлэдэг хоёр жолооч нэг хоногийн зайтай кабин халаагчаас болж кабиндаа шатаж нас барсан билээ. Иймд тээврийн хэрэгсэлдээ хонохдаа халаагуур ашиглах болон цахилгааны аюулгүй байдлыг хангахыг сэрэмжлүүлж байна.
Сэтгэгдэл бичих