Мал тооллогын урьдчилсан дүнгээр 2025 оны эцэст 58.1 сая толгой мал тоологдлоо. Малын төрлөөр авч үзвэл 501.3 мянган тэмээ, 5.1 сая адуу, 5.4 сая үхэр, 23.9 сая хонь, 23.2 сая ямаа тоологдлоо.
Малын тоо өмнөх оноос 445.1 мянган толгойгоор өссөн бөгөөд 5 төрлөөр задалж авч үзвэл адуу 444.1 мянга (9.5%), үхэр 365.1 мянга (7.2%), ямаа 247.8 мянга (1.1%), тэмээ 2.7 мянга (4.3%)-аар тус тус өссөн бол хонь 632.6 мянга (2.6%)-аар буурсан байна.
Өмнөговь, Сүхбаатар, Архангай, Хэнтий, Баянхонгор, Дорноговь, Дундговь, Хөвсгөл, Дорнод, Говьсүмбэр, Завхан аймгууд болон Улаанбаатар хотод малын тоо өмнөх оноос 10.7-325.0 мянгаар өссөн.
Сэлэнгэ, Увс, Ховд, Баян-Өлгий, Дархан-Уул, Өвөрхангай, Булган, Говь-Алтай, Төв, Орхон аймгуудад малын тоо өмнөх оноос 6.3-354.5 мянгаар буурсан.
Малын төрөл тус бүрээр улсдаа тэргүүлсэн аймгийг харвал, адуу, үхрийн тоогоор Архангай аймаг, тэмээний тоогоор Өмнөговь аймаг, хонины тоогоор Өвөрхангай аймаг, ямааны тоогоор Баянхонгор аймаг тэргүүлсэн байна
МАЛЫН ТООГООР УЛСДАА ТЭРГҮҮЛСЭН АЙМАГ, төрлөөр, мянган толгой
| Аймаг | Нийт малын тоо | Аймаг | Адуу | Аймаг | Үхэр | Аймаг | Тэмээ | Аймаг | Хонь | Аймаг | Ямаа |
| Хөвсгөл | 5 311.9 | Архангай | 492.6 | Архангай | 745.1 | Өмнөговь | 155.9 | Өвөрхангай | 2 360.2 | Баянхонгор | 2 493.9 |
| Өвөрхангай | 5 063.9 | Төв | 490.4 | Хөвсгөл | 669.8 | Дорноговь | 61.0 | Хөвсгөл | 2 257.1 | Хөвсгөл | 1 979.7 |
| Архангай | 4 362.2 | Дорнод | 462.1 | Өвөрхангай | 412.0 | Баянхонгор | 56.6 | Төв | 1 968.0 | Говь-Алтай | 1 863.0 |
| Баянхонгор | 4 231.9 | Өвөрхангай | 446.5 | Хэнтий | 396.0 | Говь-Алтай | 51.3 | Архангай | 1 848.4 | Өвөрхангай | 1 820.9 |
| Төв | 4 121.8 | Хөвсгөл | 402.9 | Төв | 386.9 | Дундговь | 48.0 | Дундговь | 1 643.9 | Ховд | 1 637.9 |
Сэтгэгдэл бичих