Тодруулбал, өнгөрсөн есдүгээр сарын 21-ний өдөр С.У гэх 45 настай эрэгтэй нь өөрийн хамтран амьдрагч болох 30 настай эмэгтэйг онц харгис хэрцгийгээр хөнөөж цогцсыг нь шүүгээнд нуусан байсныг цагдаагийнхан олж тогтоон, мөрдөн шалгах ажиллагааг явуулсан бөгөөд тус хэргийн талаарх дуудлага мэдээллийг сэжигтэн этгээдийн дүү өгсөн байна. “Манай ах хамтран амьдрагчаа алчихсан гээд 2-3 хоног архи уугаад байна” гэх мэдээллийг анх цагдаагийн байгууллагад өгснөөр хэргийг илрүүлсэн байдаг.
Улмаар прокуророос түүнийг Эрүүгийн хуулийн 10.1 дүгээр зүйлийн 2.1 дэх хэсэг буюу онц хэрцгийгээр, 10.1 дүгээр зүйлийн 2.8 дахь хэсэг болох гэр бүлийн хүчирхийлэл үйлдэж, хүнийг алах гэмт хэрэг үйлдсэн хэмээн яллаж хэргийг шүүхэд шилжүүлсэн байна.
Эрүүгийн хуулийн 10.1 дүгээр зүйл.Хүнийг алах
- 1.Хүнийг алсан бол найман жилээс арван таван жил хүртэл хугацаагаар хорих ял шийтгэнэ.
- 2.Хүнийг:
- 2.1.онц харгис хэрцгийгээр;
- 2.8.гэр бүлийн хүчирхийлэл үйлдэж алсан бол арван хоёр жилээс хорин жил хүртэл хугацаагаар, эсхүл бүх насаар нь хорих ял шийтгэнэ гэж эрүүгийн хуулинд заасан бөгөөд хүндрүүлэх шинжтэй гэмт хэрэг юм.
Сэтгэгдэл бичих