Европ тивд аюулгүй байдлын нөхцөл байдал хурцдаж байна. Францын эрх баригчид “Boracay” нэртэй нефть тээвэрлэгч хөлгийг зогсоосон бөгөөд түүнийг Оросын “сүүдэр флот”-ын нэг гэж сэжиглэж байгаа талаар мэдээлжээ. Энэ нь Европын орнуудад Оросын эрчим хүчний нууц худалдааны сүлжээ байгаа талаар таамаглал үүсгэжээ.
Үүнтэй зэрэгцэн Европын удирдагчид өнөөдөр Копенгаген хотноо уулзаж, Украинд өрнөж буй дайн болон хил орчмын аюулгүй байдлын асуудлыг хэлэлцэж байна. Уулзалтаар Оросын талаас хийгдэж буй дрон, кибер болон дайны шинжтэй ажиллагааг зогсоох арга зам, мөн Украины тусламжийн асуудал гол сэдэв болж байна.
Шинжээчдийн үзэж буйгаар Европын холбоо аюулгүй байдлын хамтын ажиллагаагаа улам бэхжүүлэх шаардлагатай болж байна.
Эх сурвалж: The Guardian
Сэтгэгдэл бичих