АНУ болон БНХАУ-ын өндөр түвшний төлөөлөгчид өнөөдөр Испанийн нийслэл Мадрид хотод худалдааны асуудлаар хэлэлцээ эхлүүллээ. Хэлэлцээний хүрээнд хоёр улсын худалдааны маргаан, технологийн компаниудын зохицуулалт, тэр дундаа АНУ-ын шаардсан TikTok-ийн хувьцааг задалж, тусад нь ажиллуулах асуудлыг хөндөж байна.
Энэхүү уулзалт нь дэлхийн хоёр том эдийн засгийн харилцааг тогтворжуулахад чухал алхам болохоос гадна олон улсын зах зээлд ч нөлөө үзүүлнэ гэж шинжээчид үзэж байна.
Хэлэлцээ хэдэн өдөр үргэлжлэх бөгөөд талуудын байр суурь ойртох эсэх нь одоогоор тодорхойгүй байгаа ч хоёр улсын худалдааны ирээдүйд шууд нөлөөтэй үйл явдал гэж ажиглагчид дүгнэж байна.
эх сурвалж: reuters
Сэтгэгдэл бичих