Улаанбаатар хотын дарга Х.Нямбаатар ‘Монгол улсад Барилын салбар үүсэж хөгжсөний 99 жилийн ойн баярын мэндийг өөрийн цахим хуудсаараа хүргэлээ. Тэрээр:
Улаанбаатар хотын өнөөгийн хөгжил дэвшил, өнгө төрх барилгын салбарын суурийг тавилцсан ахмадууд, Азийн цагаан дагина болгон бүтээсэн дунд үеийнхэн, шинэ цагийн Улаанбаатарыг цогцлоож буй өнөө цагийн барилгачид та бүхэнтэй салшгүй холбоотой. Нийслэл Улаанбаатар хот өнөөдөр өрнө, дорнын өнгө төрх, онцлогийг шингээсэн орчин үеийн хот болон хөгжиж байна.
Сүүлийн жилүүдэд гэр хорооллыг орон сууцжуулах, дахин төлөвлөх ажлын хүрээнд хотын хойд хэсгийн утааны голомт болсон бүсүүд буюу Орбитоос хойш Баянголын ам, Толгойд, Ханын материал, Баянхошуу, Чингэлтэй, Хайлааст, Шар хад зэрэг суурьшлын бүсүүдэд газар чөлөөлөлт, бүтээн байгуулалтын ажил ид өрнөж байна. Бид анхны жишиг 20 минутын хотыг цогцлоохоор Чингэлтэй, Сүхбаатар дүүргийг хамарсан 158 га талбайг чөлөөлж, бүтээн байгуулалтын ажлыг эхлүүлсэн.
Тус хотыг сүндэрлүүлэх ажилд дотоодын болон гадаадын олон аж ахуйн нэгж оролцож байгаа бөгөөд олон чадварлаг залуусын хүчээр уг шинэ төсөл бүтэх юм. Сэлбэ хотод нийт 8565 өрхийн 113 блок орон сууц, 8 км авто зам, 39 км явган зам, 23 км дугуйн зам, 3,6 га талбайд тоглоомын талбай, гурван сургууль, таван цэцэрлэг, эмнэлэг, спорт байгууламж барина. Мөн нийт талбайн 40 хувьд ногоон байгууламж байхаар төлөвлөсөн.
Шинэ Улаанбаатарыг цогцлоох ажлын голыг нугалалцаж буй барилгачид та бүхэндээ орчин цагийн барилгын салбар үүсэж, хөгжсөний 99 жилийн ойн баярын мэнд хүргэж, бүтээн босгох өрнүүн их ажилд нь амжилт хүсье гэжээ.
Сэтгэгдэл бичих