Боловсрол, шинжлэх ухааны сайдын 2024 оны А/59, А/101, 2025 оны А/414 дүгээр тушаалын хэрэгжилтийг хангах хүрээнд төрийн өмчийн ерөнхий боловсролын сургуулийн 6–12-р ангид ашиглах Мозайк цахим контент, дижитал сурах бичгийн системтэй танилцах ээлжит хичээлд, ашиглах боломжууд сургалтыг зохион байгууллаа. Сургалтад Төв аймгийн ерөнхий боловсролын сургуулийн дунд, ахлах ангийн сургалт хариуцсан 32 менежер хамрагдлаа.
СУРГАЛТААР:
Mozaweb, Mozabook цахим цахим контент, дижитал сурах бичгийн систем, үндсэн цэсүүд, хэрэглэлүүдтэй танилцах
Mozaweb, Mozabook цахим цахим контент, дижитал сурах бичгийн системийг ээлжит хичээлд ашиглах боломжуудыг судлах
Хичээлийн төлөвлөлтөд Mozabook цахим цахим контент, дижитал сурах бичгийн системийг ашиглаж багшийн ачааллыг бууруулах, ээлжит хичээлийг сурагчдад сонирхолтой болгох боломжуудыг судлах.
Системийн ач холбогдол:
Багш: Хичээл заах бүх үе шатанд цахим орчныг үр дүнтэй ашиглах, суралцагчийн ахицыг бодит өгөгдлөөр үнэлэх боломжтой болно.
Суралцагч: Хичээлээ илүү ойлгомжтой, сонирхолтойгоор үзэж, бие даан суралцах, өөрийн ахиц дэвшлийг тогтмол харах боломжтой.
Мөн түүнчлэн Цаасан сурах бичгийн хүртээмжийн асуудлыг шийдвэрлэж, баяжуулсан цахим сурах бичгээр мэдлэгээ гүнзгийрүүлэх шинэ боломж нээгдэнэ.
Тус сургалтыг БЕГ-ын СХХҮХГ-ын ахлах мэргэжилтэн, мозайк сургагч багш Ж.Энхбаатар, Төв аймгийн БГ-ын математик мэдээллийн технологийн судлагдахуун хариуцсан ахлах арга зүйч, үндэсний сургагч багш Ц.Энхтуяа, Төв аймгийн Батсүмбэр сумын ЕБС-ын сургалтын менежер үндэсний сургагч багш О.Энхмаа, Хүмүүн цогцолбор сургуулийн мэдээллийн технологийн багш Ч. Энхтуул нар хамтран удирдан зохион байгууллаа.
Сэтгэгдэл бичих