Өсвөр насны залуучууд зочид буудалд мансууруулах бодис хэрэглэж байгаад үйлдэл дээрээ баригдсан байна. Тодруулбал, Баянзүрх дүүргийн 6-хороонд үйл ажиллагаа явуулдаг зочид буудалд энэ сарын 08-ны шөнө гурван залуу мансуурсан байдалтай байсныг илрүүлжээ.
Урьдчилсан байдлаар мансууруулах төрлийн өвс хэрэглэсэн байж болзошгүй нөхцөл байдал тогтоогдсон байна. Хэргийн газраас хэрэглэж байсан эд зүйлсийг хураан авч, шалгалтын ажиллагаа явуулж байгаа аж. Хэрэгт холбогдон шалгагдаж байгаа этгээдүүд нь 20-22 настай юм байна.
Улсын хэмжээнд мансууруулах эм, сэтгэцэд нөлөөт бодистой холбоотой 199 хэрэгт 412 хүн холбогдон шалгагдсан байна. Үүнээс 337 нь эрэгтэй, 75 нь эмэгтэй аж. Уг гэмт хэргийг насны байдлаар авч үзвэл 82,5 хувь нь 18-35 насны залуус байна.
Сэтгэгдэл бичих