Монголчууд ер нь юу хийж чаддаг юм бэ гэж хэлдэг олон хүнтэй таарч байлаа. Тэр битгий хэл Mонголчууд баялагаа зараад бэлэн юм аваад сууж байдаг улс гэж хэлэх гадныхан ч байдаг. Гэхдээ тийм биш юм шүү. Монголчууд хийж чаддаг, хийхдээ хэн хүнээс илүү хийдэг. Гагцхүү түүнийг нь төр засаг нь олж хардаггүй, сайн байна гээд ганц удаа урамшуулдаггүй. Хийсэн нэг нь хийлээ гэж хэлэхээсээ ч санаа зовдог. Тэдний нэг бол уулын баяжуулах Эрдэнэт үйлдвэр ТӨҮГ-ын Засвар, механикийн завод болон Баяжуулах үйлдвэрийн инженер техникийн ажилчид үйлдвэрийн технологийн үндсэн тоног төхөөрөмжүүдийн нэг болох булинга шахах зориулалт бүхий Грат-1400 маркийн шахуургын ажлын цагийг уртасгах санаачилга гаргасан нь өдгөө импортыг орлох инновацын шинэ бүтээл болжээ. Гэхдээ тэд энэ ажлаа өөрсдийн нэр дээр биш үйлдвэрийнхээ нэр дээр патентжуулсан нь дээрх үгийг нотлох мэт.
Уг шахуургыг хэрэглээнд нэвтрүүлсэн 2016 оноос хойш өнөөдрийг хүрэхэд нийтдээ 30 гаруй тэрбум төгрөгийн хэмнэлтийг хийж чаджээ. Тэгвэл Монгол Улсын саалийн үнээ гэгддэг Эрдэнэт үйлдвэрийн алтан гартай инженерүүд өөрсдийн ур чадвар, мэдлэг чадвартаа тулгуурлан инновацын шинэ бүтээлийг зохион бүтээж 2016 онд үйлдвэрлэлд нэвтрүүлснээр даруй 30 гаруй тэрбум төгрөгийн хэмнэлтийг Эрдэнэт үйлдвэрт амжилттай хийсэн байна.
Хөгжлийн банкаар дамжуулан эрх мэдэлтнүүд хэдэн зуун тэрбумаар нь хөнгөлөлттэй зээл нэрээр авч байхад хар бор ажилд нухлагдсан ажилчин анги хэдэн тэрбумаар нь хэмнэж, улсдаа хувь нэмэр оруулаад явж байгааг ярих хүн алга.
Тус үйлдвэр 1978 оноос Грат-1400 маркийн булинга шахах шахуургыг ашиглаж ирсэн бөгөөд өнгөрсөн хугацаанд шахуургын ажлын цагийг нэмэгдүүлэх зорилгоор хэд хэдэн удаа сайжруулалт хийсэн боловч дорвитой үр дүнд хүрээгүй байсан аж. 2008 оны үед шахуургын ажиллах цаг 120-150 цаг хүртэл буурч жилийн хэрэглээ эрс нэмэгдсэн байна.
Тэр үед жилд 360-400 насосыг сэргээн засварлах болон шинээр үйлдвэрлэх болсон ба зөвхөн Грат-1400 маркийн шахуургын зардал нийт зардлын 90 хувийг дангаараа эзэлж байжээ. Шахуургын ажлын цаг буурч, хэрэглээ эрс өссөн шалтгаан нь Эрдэнэт үйлдвэрийн хүдэр олборлолт, боловсруулалтын хэмжээ 32 сая тн хүртэл өсөж, хүдрийн хатуулаг нэмэгдсэнтэй холбоотой цахилгаан зарцуулалт 16.8 квт*цаг/тн болсон зэргээс шууд хамаарсан талаар инженерүүд нь тайлбарлав.
Тиймээс Засвар, механикийн завод болон Баяжуулах үйлдвэрийн инженер техникийн ажилчид 2012 оноос Грат-1400 маркийн шахуургад шинжлэх ухааны үндэслэлтэй тооцоо судалгаа хийж, үйлдвэрлэлийн туршилтыг 2015 онд амжилттай явуулж, ажлын цагийг 355-400 цагт хүргэн 2016 оноос үйлдвэрлэлийн шугамд бүрэн шилжүүлжээ.
Үйлдвэрлэлийн хүчин чадал хоёр дахин нэмэгдсэн боловч хэрэглэдэг шахуурга хоёр дахин буурснаар засварын зардал хэмнэгдэж, бүтээгдэхүүний өртөг буурахад мөн нөлөөлсөн байна.
Насосны ажлын цагийг 2.7 дахин уртасгаснаар үйлдвэрлэлийн зардлууд буурч, 2016 оны байдлаар зөвхөн нэг жилд 5.3 тэрбум төгрөгийн хэмнэлт гаргасан үзүүлэлт одоо ч үргэлжилж байна. Өнөөдрийг хүртэл гэж тооцвол зөвхөн эдгээр инженерүүдийн хийсэн шахуургын ачаар тус үйлдвэр 30 гаруй тэрбум төгрөгийг хэмнэж, тэрхүү хэмнэсэн мөнгө улсын төсвөөр дамжин монголчуудын сайн сайханд хөрөнгө оруулалт болжээ.
Үйлдвэрлэлийн хүчин чадал хоёр дахин нэмэгдсэн боловч хэрэглэдэг шахуурга хоёр дахин буурснаар засварын зардал хэмнэгдэж, бүтээгдэхүүний өртөг буурахад мөн нөлөөлсөн байна. Насосны ажлын цагийг 2.7 дахин уртасгаснаар үйлдвэрлэлийн зардлууд буурч, 2016 оны байдлаар зөвхөн нэг жилд 5.3 тэрбум төгрөгийн хэмнэлт гаргасан үзүүлэлт одоо ч үргэлжилж байна.
Өнөөдрийг хүртэл гэж тооцвол зөвхөн эдгээр инженерүүдийн хийсэн шахуургын ачаар тус үйлдвэр 30 гаруй тэрбум төгрөгийг хэмнэж, тэрхүү хэмнэсэн мөнгө улсын төсвөөр дамжин монголчуудын сайн сайханд хөрөнгө оруулалт болжээ.
Сэтгэгдэл бичих