Турк улсын Истанбул хотноо болсон ‘Эхлэл’ болон ‘Амжилт’ компаниудын хөрөнгө оруулалтын чуулга уулзалтад Турк улсын 150 орчим компани оролцсон байна. Уулзалтаар Турк улсаас нийт хоёр сая ам.доллар буюу монгол мөнгөөр ойролцоогоор 5.6 тэрбум төгрөгийн анхны хөрөнгө оруулалт авах гэрээнд гарын үсэг зурсан талаар хоёр компанийн төлөөллүүд мэдээллээ.
Хөрөнгө оруулах Турк улсын түншүүд гуравдугаар сард Монголд айлчлан ‘Эхлэл’, ‘Амжилт’ компанийн үйл ажиллагаатай танилцаж, хамтын ажиллагаагаа эхлүүлэх аж.
“Монголын технологийн компаниуд дэлхийн зах зээлд өрсөлдөх боломжийг олж харахаар гадаадын компаниуд урт дараалал үүсгэж байгааг дурдахад таатай байна. Мөн бид дараагийн томоохон төслийн хөрөнгө оруулалтын уулзалтыг хоёрдугаар сарын 18-нд Арабын Нэгдсэн Эмират Улсын Дубай хотноо зохион байгуулахаар төлөвлөж байна’ хэмээн компанийн төлөөллүүд мэдэгдлээ.
Эх сурвалж: Canews
Сэтгэгдэл бичих