Богдхан төмөр замын суурь бүтцийн ажил өнөөдөр албан ёсоор эхэллээ. Энэхүү арга хэмжээний нээлтийн үйл ажиллагаанд “Зүүнбаян төмөр зам” ХХК-ийн ТУЗ-ийн дарга Х.Нурлат, ТУЗ-ийн гишүүн Л.Булганхүү, Б.Дэлгэржаргал, хараат бус гишүүн Р.Раш, тус компанийн дэд захирал Т.Сайнжаргал нарын холбогдох албаныхан оролцлоо.
Богдхан төмөр зам нь Рашаант өртөөнөөс Богдхан уулын урдуур тойрч, Мааньт өртөөтэй холбогдох бөгөөд Төв аймгийн Алтанбулаг, Сэргэлэн сумд, Улаанбаатар хотын Багахангай, Хан-Уул, Сонгинохайрхан дүүргийн газар нутгийг дамжин, нийт 135,8 км үргэлжлэх юм. Төсөл 6 зөрлөг, 3 өртөө, нийт 16,6 км хоёр хонгил,1520 мм өргөн царигтайгаар баригдана.
Уг төмөр зам ашиглалтад ороход Нийслэлийн авто замын түгжрэл багасаж, ажлын байр нэмэгдэнэ. Түүнчлэн Богдхан төмөр замыг түшиглэн Хөшигийн хөндийд тээвэр логистикийн нэгдсэн сүлжээ байгуулж, байгаль орчинд ээлтэй, шинэ дагуул хот байгуулагдах юм. Нэмэлт мэдээлэл хүргэхэд Монгол Улсын Засгийн газрын 2021 оны 08 дугаар сарын 04-ний өдрийн хуралдаанаар Богдхан төмөр замын төслийн суурь бүтэц барих тусгай зөвшөөрлийг “Тавантолгой төмөр зам” ХХК-д олгосон байдаг.
Сэтгэгдэл бичих