СХД: 40 ДҮГЭЭР ХОРООНЫ БҮТЭЭН БАЙГУУЛАЛТЫН АЖЛЫГ ТАНИЛЦУУЛЖ БАЙНА

Сонгинохайрхан дүүрэг 2021 оныг “Иргэдэд ээлтэй ногоон дүүрэг” болгох зорилтыг дэвшүүлсэн. Энэ зорилтын хүрээнд дүүргийн Засаг дарга Н.Алтаншагай мөрийн хөтөлбөртөө 43 хороог бүрэн гэрэлтүүлэгтэй болгох, ногоон байгууламжийг нэмэгдүүлэх, хоггүй цэвэр орчинтой болгох, иргэдэд ээлтэй орчныг бүрдүүлэх гэсэн зорилтыг тусган ажиллаж байна.
Нийслэл, дүүргийн Засаг даргын 2021-2024 оны үйл ажиллагааны хөтөлбөрийн хүрээнд 43 хороо бүрт бүтээн байгуулалтын ажлууд өрнөж байгаа юм.
Тэдгээрийн нэг болох 40-р хороонд энэ онд Улс, нийслэл, орон нутгийн төсвөөр хийгдэж байгаа хэд хэдэн томоохон бүтээн байгуулалтын ажлуудыг танилцуулж байна.
Тодруулбал,
– Баянхошуу дэд төвийн бүтээн байгуулалтын хүрээнд 240 хүүхдийн ортой цэцэрлэг,
– Олон нийтийн хөгжлийн төв, 640 хүний суудалтай Спорт цогцолбор,
– 2.2км урттай үерийн ус зайлуулах далан, суваг хийгдэж байна
– Шинэ өрхийн эмнэлгийн цогцолборын суурийг цутгаж эхэллээ
– Австри улсын засгийн газрын дэмжлэгтэйгээр Монлаа 14-17 Дэнж 1-7-р гудамжинд гэрэлтүүлэг хийх ажлын явц 70 хувьтай үргэлжилж байгаа юм.